युभेन्टसले जित्यो सिरी ए उपाधि
मिलान — युभेन्ट्सले आइतबार राति लगातार सातौं पल्ट इटालीको सिरी ए उपाधि जितेको छ । यसले दश खेलाडीमा सीमित रोमालाई गोलरहित बराबरीमा रोकेपछि यो उपलब्धी हात पारेको हो ।
अर्को खेलमा दोस्रो स्थानमा रहेको नेपोलीले साम्पडोरियालाई २–० ले हराएपनि त्यो युभेन्ट्सलाई रोक्न पर्याप्त रहेन् । टुरिन क्लबले लिग उपाधि जितेको यो कीर्तिमान ३४ औं पल्ट हो ।
युभेन्ट्सले यसअघि इटालियन कप पनि जितेको थियो । प्रशिक्षकमा मासिमिलिनो एलेग्रे आएयता युभेन्टसले लगातार चौथो पल्ट लिग र कप दुवै जितेको छ ।
लिग तालिकामा एक चरणको खेल बाँकी छँदा युभेन्ट्सको ९२ अंक छ भने नेपोली चार अंकको दूरीमा छ ।
प्रकाशित : वैशाख ३१, २०७५ ०७:४७प्रतिक्रिया