मनाङ सेमिफाइनलमा
उदयपुर — मनाङ मस्र्याङ्दी क्लब पाँचौं उदययपुर गोल्डकप प्रतियोगिताको सेमिफाइनलमा प्रवेश गरेको छ । आइतबार घरेलु टोली उदयपुर–११ लाई १–० ले पराजित गर्दै मनाङले सेमिफाइल यात्रा तय गरेको हो ।
थारुहट रंगशालामा भएको खेलको पहिलो हाफ गोलरहित बराबरीमा सकिएको थियो । ८३ औं मिनेटमा मनाङका विमल रानाले गरेको गोल नै निर्णायक भयो ।
खेलको म्यान अफ द म्याच उदयपुर ११ का गोलरक्षक रेम्बो चौधरी घोषित भए । उनले ७ हजार रुपैयाँ प्राप्त गरे । सोमबार थ्रीस्टार क्लब काठमाडाैं र मोरङ ११ ले प्रतिस्पर्धा गर्दैछन् । ८ टिमले सहभागिता जनाएको प्रतियोगिताको उपाधि विजेताले ५ लाख रुपैयाँ हात पार्नेछ ।
प्रकाशित : वैशाख ३१, २०७५ ०८:०३प्रतिक्रिया