चेल्सीले जित्यो एफए कप
लन्डन — चेल्सीले शनिबार राति एफए कप जितेको छ । वेम्लीमा भएको फाइनलमा उसले म्यानचेस्टर युनाइटेडलाई १–० ले हराएको हो ।
एडेन हेजार्डले पेनाल्टीबाट पहिलो हाफमा गरेको गोलले नै खेलको निर्णय गरेको हो ।
उनले २२ औं मिनेटमा गोल गरे । कप उपाधिसँगै चेल्सीले टिमका लागि खराव सिजनको अन्त्य गरेको छ । यो चेल्सीका व्यवस्थापक एन्टोनियो कोन्टेका लागि अन्तिम खेल पनि मानिएको छ ।
गत सिजन चेल्सी फाइनलमा आर्सनलसँग पराजित रहेको थियो । म्यानचेस्टरका लागि यो सिजन खराव रह्यो र यस हारसँगै जोसे मोउरिन्होको टिम यो सिजन उपाधि विहीन रह्यो ।
प्रकाशित : जेष्ठ ६, २०७५ ०७:४९प्रतिक्रिया