मिनी गिरी महिला राष्ट्रिय ह्यान्डबलको उपाधि सशस्त्रलाई
जनकपुर — प्रमथ मिनी गिरी महिला राष्ट्रिय ह्यान्डबलको उपाधि सशस्त्र प्रहरीको टीमले उचालेको छ । धनुषा ह्यान्डबल संघको आयोजनामा जनकपुरमा शुक्रबार भएको फाइनल खेलमा सशस्त्र टीम नेपाल आर्मीलाई ७ गोल अन्तरले पराजित गर्दै च्याम्पियन बनेको हाे ।
सशस्त्रले आर्मीलाई २१–१४ गोल अन्तरले पराजित गरेको हो । प्रमथ मिनी गिरी महिला खुल्ला राष्ट्रिय ह्याण्डबलको उपाधि विजेता सशस्त्र प्रहरीले नगद ५१ हजार, मेडल र कप प्राप्त गरे ।
उपाधि विजेता सशस्त्रलाई समाजसेवी अनुराग गिरीले पुरस्कार र कप हस्तान्तरण गरेका थिए । उप विजेता त्रिभुवन आर्मीले नगद ३१ हजार र कप प्राप्त गरे ।
प्रकाशित : जेष्ठ १८, २०७५ १९:३०