जनप्रेमीमा वर्ल्डकप फिभर

६ देखि १० कक्षासम्म अध्ययनरत छात्र तथा छात्राले उक्त प्रतियोगितामा भाग लिएका थिए । ब्राजिल, जर्मनी, पोर्चुगल र अर्जेन्टिनाका समर्थक विद्यार्थीको समूह बनाएर खेल खेलाइएको थियो । १० समूहका विद्यार्थीले भाग लिएका उक्त प्रतियोगितामा ब्राजिलका समर्थक समूहले खेल जित्यो भने पोर्चुगलका समर्थक विद्यार्थीको समूह दोस्रो भयो ।

जम्मा ७/७ मिनेट खेलाइएको उक्त प्रतियोगितामा लिग, सेमिफाइनल र फाइनल खेलाइएको थियो । फाइनलपछि विजेता ब्राजिलका समर्थक समूहका कप्तान कक्षा १० मा अध्ययनरत राजीवजंग कार्कीले रमाइलो लागेको प्रतिक्रिया दिए । उनले भने, 'हामी आफैंले विश्वकप खेले जस्तो लाग्यो । यस्ता खेलले विद्यार्थीलाई खेलमा झुकाव बढाउँछ । हामीलाई फुटबल खेल झन् लोकप्रिय लागेको छ ।'

७ जनाको समूह बनाइएको उक्त प्रतियोगितामा ५/५ जना विदर्यार्थीले मात्रै मैदानमा खेलेका थिए । प्रतियोगितामा विजेतालाई प्रोत्साहन पुरस्कार स्वरुप वर्ल्डकपको प्रतिमूर्ति दिइएको थियो । ४/४ वर्षमा हुने विश्वकप फुटबलबारे विद्यार्थीलाई जानकारी दिन र फुटबल खेलप्रति विद्यालय तहदेखि नै लगाव बढोस भने प्रतियोगिताको आयोजना गरिएको स्कुलका प्रिन्सिपल निलेश आचार्यले बताए ।