एन्फाले खेलाडी उत्पादनमा ध्यान दिने
पोखरा — अखिल नेपाल फुटबल संघ (एन्फा) का अध्यक्ष कर्मा छिरिङ शेर्पाले एन्फाको ध्यान मुलुकभर कुशल फुटबल खेलाडी उत्पादनमा रहने बताएका छन् ।
एन्फाको विधान र नियमावलीमा संशोधनका लागि सुझाव लिन पोखरामा शनिबार आयोजित प्रदेशस्तरीय छलफलमा उनले यस्तो बताएका छन् । ‘हामी १४ जिल्लामा टेक्निकल सेन्टर सञ्चालन गर्दैछौं,’ उनले भने, ‘महिला फुटबलर उत्पादनका लागि टेक्निकल सेन्टर रौतहटमा रहने छ ।’
पोखरामा रहने एन्फाको फुटबल प्रशिक्षण केन्द्र ६० जना क्षमताको हुने उनले बताए । कार्यक्रममा गण्डकीका मुख्यमन्त्री पृथ्वी सुब्बा गुरुङले खेलकुदलाई समृद्धिको आधार बनाइनुपर्ने आवश्यकता औंल्याए ।
प्रकाशित : श्रावण ६, २०७५ ०९:००प्रतिक्रिया