नेपाल भारतसँग २-१ ले पराजित
काठमाडौँ — साफ यू-१५ गर्ल्स च्याम्पियनसिपको सेमिफाइनलमा भारतले नेपाललाई २-१ ले पराजित गरेको छ । भारतले ३१ औं मिनेटमा लिन्डा कोमको गोलमा सुरुआती अग्रता बनाएको थियो ।
त्यसको ६ मिनेट नबित्दै रजनी ठोकरले नेपालका लागि बराबरी गोल फर्काइन् ।
भारतका लागि ५८ औं मिनेटमा क्रितिना देवीले गोल गर्दै पुन: अग्रता दिलाइन् । नेपालले अब शनिबार तेस्रो स्थानको खेलमा दोस्रो सेमिफाइनलमा पराजित हुने टोलीसँग खेल्नेछ । दोस्रो सेमिफाइनलमा भुटान र बंगलादेश बुधबारै भिड्दैछन् ।
प्रकाशित : श्रावण ३१, २०७५ १८:२७प्रतिक्रिया