सेमिफाइनलमा भारतसँग पराजित

साफ यू–१५ गल्र्स च्याम्पियनसिप
कान्तिपुर संवाददाता

काठमाडौँ — उपाधि लक्ष्यसहित भुटान पुगेको नेपाली यू–१५ गल्र्स फुटबल टोलीको यात्रा भारतले सेमिफाइनलमा रोकेको छ । भुटानमा जारी साफ यू–१५ गल्र्स च्याम्पियनसिपको पहिलो सेमिफाइनलमा बुधबार भारतले नेपाललाई २–१ ले पराजित गरेपछि नेपाल उपाधि होडबाट बाहिरिएको हो ।

चाङलिमिथाङ रंगशालामा भारतले ३१ औं मिनेटमा लिन्डा कोमको गोलमा सुरुवाती अग्रता बनाएको थियो । डिफेन्सको गल्तीको फाइदा उठाउँदै कोमले पेनाल्टी क्षेत्रभित्रबाट गरेको शक्तिशाली प्रहार नेपाली गोलरक्षक सावित्री किसानले बचाउने मौका पाइनन् । खेलमा पछाडि परेको ६ मिनेट नबित्दै रजनी ठोकरले नेपालका लागि बराबरी गोल फर्काइन् । भारतकी गोलरक्षक मनीषाले बल फुत्काएपछि रजनीले खाली पोस्टमा गोल गरेकी थिइन् ।

प्रतिस्पर्धात्मक खेलमा भारतले ५८ औं मिनेटमा पुन: अग्रता बनायो । कृतिना देवीले दायाँ भागबाट गरेको क्रस सलोनी रानाले फ्लिक गर्दा नेपाली गोलरक्षक सावित्राको टाउकोमाथि हुँदै गोलमा परिणत भयो । खेलको अन्तिम मिनेटमा भारतीय डिफेन्डरले पेनाल्टी क्षेत्रभित्र हयान्ड गरे पनि पेनाल्टी रेफ्रीले नदिएको भन्दै नेपाली अफिसियलले विरोध गरेपछि केहीबेर रोकियो ।

Yamaha

पराजयसँगै नेपालले शनिबार तेस्रो स्थानको खेलमा आयोजक भुटानसँग खेल्नेछ । बुधबारै भएको दोस्रो सेमिफाइनलमा बंगलादेशले भुटानलाई ५–० ले पराजित गर्‍यो । फाइनल खेल पनि शनिबार हुनेछ ।

Esewa Pasal

प्रकाशित : भाद्र १, २०७५ ०७:२९
ADVERTISEMENT
प्रतिक्रिया
पठाउनुहोस्
ADVERTISEMENT

सन्दीपको उत्कृष्ट प्रदर्शन कायमै

कान्तिपुर संवाददाता

काठमाडौँ — नेपाली लेग स्पिनर सन्दीप लामिछानेले विदेशी फ्रेन्चाइज लिग क्रिकेटमा उत्कृष्ट प्रदर्शनको क्रमलाई जारी नै राखेका छन् ।

उनले बिहीबार बिहान सेन्ट किट्स एन्ड नेभिस प्याट्रियट्सबाट क्यारेबियन प्रिमियर लिग (सीपीएल) मा अर्को सानदार प्रदर्शन गरेका छन् । तर सेन्ट किट्सले ३ खेलमा दोस्रो पराजय भोगिसकेको छ ।

सन्दीपले किंग्स्टनमा ४ ओभरमा २१ रन खर्चेर २ विकेट लिए । इनिङस्मा सन्दीपले सबैभन्दा बढी १५ डट बल फालेका थिए । प्रतियोगितामा तेस्रो खेल खेल्ने क्रममा सन्दीपले कुनैमा पनि ६ भन्दा बढीको रन रेटमा रन दिएका छैनन् र ५ विकेट लिइसकेका छन् । गुयाना एमेजनसँगको पहिलो खेलमा ४ ओभरमा १२ रन मात्र दिएर २ विकेट लिएका थिए भने त्यसपछि ट्रिनबागो नाइट राइडर्ससँग ४ ओभरमा १७ रन खर्चेर १ विकेट लिएका थिए ।

सन्दीपको सानदार प्रदर्शनका बाबजुद टस हारेपछि ब्याटिङको निम्तो पाएको जमैका तल्लाहवाजले ४ विकेट गुमाई १ सय ७८ रन बनायो । १८ वर्षे सन्दीपको सुरुवात राम्रो थिएन । उनको पहिलो ७ बलमा तल्लाहवाजका ब्याट्सम्यानले १६ रन प्रहार गरेको थिए, त्यसमा २ छक्का म्यान अफ द म्याच केनार लुइसले हिर्काएका थिए ।

पछिल्लो १७ बलमा उनले ५ रन दिएर २ विकेट लिए । सातौं ओभरमा आफ्नो पहिलो बलमा छक्का खाएका सन्दीपले अर्को बलमा लुइसलाई लङ अफ बाउन्ड्री लाइनमा टम कुपरबाट क्याच गराए । दुई बलपश्चात् उनले गुगली बलमा एन्ड्रयु म्याककार्थीलाई शुन्यमा एलबीडब्लू आउट गरे ।

लुइसले तल्लाहवाजबाट २४ बलमा ४९ रन बनाउने क्रममा ४ चौका र ४ छक्का प्रहार गरे । ग्लेन फिलिप्लसले ३८ बलमा १ चौका र ३ छक्का प्रहार गरी ४१ रन बनाए । रोस टेलर ३५ बल खेली २ चौका र ४ छक्का प्रहार गरी ५१ रन बनाई अविजित रहे ।

सेन्ट किट्सले जवाफमा ९ विकेट गुमाई १ सय ३१ रन मात्र बनाउँदै ४७ रनको पराजय भोग्यो । कप्तान क्रिस गेयलले टोलीबाट सर्वाधिक रन जोड्ने क्रममा कुल २५ बलमा २४ रन बनाए । ६ टोली सहभागी प्रतियोगितामा सेन्टकिट्स पाँचौं स्थानमा छ ।

प्रकाशित : भाद्र १, २०७५ ०७:२८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT