आर्सनललाई चेल्सीले हरायो

चेल्सीले पेड्रो र अल्भारो मोराटाको गोलमा २ गोलको अग्रता लिएपनि त्यसलाई जोगाउन सकेन । आर्सनलले एलेक्स इवोबीको गोलसँगै पहिलो हाफमै खेल बराबरीमा ल्यायो । पहिलो हाफको अन्त्यतिर आर्सनलले अग्रता लिने मौका पनि पाएको थियो तर त्यसको सदुपयोग गर्न सकेन ।

दोस्रो हाफमा प्रशिक्षक माउरिजियो सार्रीले इडेन हाजार्डलाई मैदान पठाए । हाजार्डले आफ्नो प्रभाव देखाउँदै मार्कस अलोन्सोलाई दिएको पासमा स्पेनिस डिफेन्डरले गोल गरे ।