लिभरपुलको दौड

एएफपी

लन्डन — लिभरपुलका व्यवस्थापक योर्गेन क्लोपले आफ्नो टोलीको उपाधि सम्भावनाबारे केही बोल्न चाहेनन् । लिभरपुलले सोमबार राति क्रिस्टल प्यालेसलाई २–० ले पराजित गरी इंग्लिस प्रिमियर लिगमा लगातर दोस्रो विजय हात पारेको थियो ।

गत सिजन म्यानचेस्ट सिटीले प्रिमियरसिपको उपाधि जित्दा लिभरपुल २५ अंकले पछाडि रहि चौथो स्थानमा थियो । सेल्हस्र्ट पार्कमा हकदार विजय हात पार्दा लिभरपुल र अन्य सिटीसहित अन्य चार टोलीले सिजनको पहिलो दुवै खेल जितेका छन् ।


पहिलो हाफको ठिक अगाडि जेम्स मिल्नरको पेनाल्टी गोलमा लिभरपुलले अग्रता लिएको थियो । लिभरपुलकै पूर्व खेलाडी एवं प्लालेसका रक्षक मामाडोउ साखोले मोहम्मद सलाहलाई लडाएपश्चात् प्राप्त पेनाल्टीमा लिभरपुलले अग्रता बनाएको हो । खेल पूरै सलाह केन्द्रित रहयो ।

Yamaha


प्यालेसका व्यवस्थापक रोय हडसनले सलाह सजिलै लडेकाले पेनाल्टीप्रति असहमति जनाए ।
इजिप्टका फरवार्डले खेलभरि दुई वान भर्सेज वान सदुपयोग गर्न सकेनन् । उनकै कारण प्यालेसका युवा रक्षक आरोन वान–विसाकाले रातो कार्ड पाए । सलाह गोलका लागि अगाडि बढदा विसाकाले उनलाई पछाडि बढाउँदा लडाएका थिए । इन्जुरी टाइममा सलाहले काउन्टर एट्याकमा दिएको पासमा मानेले गोल गरेका थिए । एन्ड्रोज टाउनसेन्डको प्रहार बारमा लाग्नु प्यालेसको दुर्भाग्य थियो ।


‘अहिले नै उपाधिको बारेमा भन्नु धेरै चाँडो हुनेछ । म यस्तालाई प्राथमिकतामा राख्दिनँ । हामी अरू टोलीसँग उपाधि दौडमा छैनौं,’ क्लोपले भने, ‘दुई खेलका आधारमा केही भन्न मुस्किल छ । तपाईंहरू जे चाहनुहुन्छ भन्न सक्नुहुन्छ, तर त्यसमा हामीलाई नराख्नुस् ।’

प्रकाशित : भाद्र ६, २०७५ १०:१९
ADVERTISEMENT
प्रतिक्रिया
पठाउनुहोस्

महोत्तरीमा दुई समुहबीच झडप, एक दर्जन घाइते

रविन्द्र उप्रेती

महोत्तरी — महोत्तरी जिल्लाको लोहरपट्टी नगरपालिकामा ईदको नमाज कुन इमामले पढाउने भन्ने बारे दुई समुहबीच विवाद हुँदा एक दर्जन व्यक्ति घाइते भएको प्रहरीले बताएको छ ।

प्रहरीले स्थिति नियन्त्रणमा लिन २ राउण्ड हवाई फायर समेत गर्नुपरहेको जिल्ला प्रहरी कार्यालय महोत्तरीका डिएसपी खगेन्द्र बहादुर खड्काले बताएका छन्। उनको अनुसार अहिले त्यहाँको स्थिति निकै तनावपूर्ण छ। ‘प्रहरीले भिडलाई तितरवितर गरेपनि स्थिति तनावपूर्ण छ,’ उनले भने, ‘अहिले प्रहरी र सशस्त्र प्रहरीको टोलीले मस्दिदलाई घेराबन्दी गरी कसैलाई पनि प्रवेश गर्न दिएको छैन।’

प्रमुख जिल्ला अधिकारी उमेशकुमार ढकालका अनुसार बकर ईदको समयमा यसअघि पनि त्यहाँ दुई समुहबीच सोही विषयलाई झगडा हुने गरेको थियो। ‘त्यहाँ पहिले पनि ईदको समयमा दुई समुहबीच झडप हुने गरेको थियो। त्यसैले हामीले यो पटक दुवै समुहलाई प्रहरी कार्यालयमा नै राखेर झगडा नगर्ने सहमति गराएका थियौं,’ उनले भने, ‘तर आज बिहान साढे ८ बजे झडप भएको छ। हामी त्यसलाई नियन्त्रण गरेर समाधान गर्ने प्रयास गरिरहेका छौं।’

प्रहरीका अनुसार झडपमा घाइते भएकाहरुलाई प्रहरीले उपचारका लागि जनकपुरस्थित अञ्चल अस्पताल पठाएको छ।

प्रकाशित : भाद्र ६, २०७५ १०:१४
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT