श्री एयरलाइन्स सेमिफाइनलमा

श्रीले पहिलो ब्याटिङ गर्दै १ सय १३ रन जोडेको थियो । जवाफमा विजयी टोलीका पुरुषोत्तम न्यौपानेले तीन विकेट लिएपछि एनएमबीले १ सय ३ रन मात्र जोड्न सक्यो ।

अर्को क्वाटरफाइनलमा राज श्रेष्ठको अलराउन्ड प्रदर्शनसँगै सिटिजन्स बैंकले मुक्तिनाथ विकास बैंकलाई ५० रनले हरायो । राजले २९ रन जोडदै २ विकेट लिएपछि सिटिजन्सले जोडेको १ सय १८ रनको जवाफमा मुक्तिनाथले ६८ रन मात्र बनाउन सक्यो ।

कोटेश्वरस्थित अल्टिमेट इन्डोरमा जारी प्रतियोगिताको अन्य क्वाटरफाइनलमा ई–सेवाले जनता बैंकलाई १७ रनले हराउँदै सेमिफाइनलमा स्थान बनायो । सेन्चुरी बैंकले पनि डब्लूडब्लूएफलाई ८० रनले पराजित गर्दै अन्तिम चारमा स्थान सुरक्षित गर्‍यो । बिहीबार सेमिफाइनल खेल हुनेछ ।