एसिया कप छनोट : नेपालको लगातार दोस्रो पराजय, यूएईसँग ७८ रनको हार

विनोद पाण्डे, सुबास हुमागाईं

काठमाडौँ — एसिया कप क्रिकेट छनोटअन्तर्गत दोस्रो खेलमा नेपाल यूएईसँग ७८ रनले पराजित भएको छ । यूएईले प्रस्तुत गरेको २५५ रनको लक्ष्य पछ्याउने क्रममा नेपाल ४९ औं ओभरमा १ सय ७६ रनमा अल आउट भएको थियो । नेपालका लागि सुवास खकुरेलले सर्वाधिक ५० रनको योगदान दिए ।

फाइल तस्बिर

नेपालले प्रतियोगिताको बाँकी तीन खेलमा जित दर्ता गर्दै अन्य नतिजा अनुकुल भए फाइनल प्रवेश गर्ने छ। नेपालले अब आयोजक मलेसिया, सिंगापुर र हङकङसँग खेल्ने छ। नेपाल पहिलो खेलमा ओमानसँग ७ विकेटले पराजित भएको थियो।

टस जितेर पहिलो फिल्डिङ रोजेको नेपालले यूएईलाई २५४ रनमा रोकेको छ। नेपालका लागि उत्कृष्ट बलिङ गर्दै सन्दीप लामिछानेले ४ विकेट लिएका थिए।

Yamaha

यूएईकालागि चिराग सुरीले ६५ तथा अदनान मुफ्तीले नटअाउट ५७ बनाएका थिए।

पहिलो खेलमा बुधबार ओमानसँग पराजित नेपाल प्रतियोगिताको शीर्ष दुई स्थानमा रहन आज जित हात दर्ता गर्नुपर्ने दबाबमा छ।

यूएईले अघिल्लो दिन सिंगापुरलाई सहजै हराउँदै उत्कृष्ट सुरुआत गरिसकेको छ।

प्रकाशित : भाद्र १४, २०७५ ०८:१०
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

जात्रामा रम्दै प्राचीन सहर

यो पर्वलाई महोत्सवकै रूप दिइएकाले स्वदेश र विदेशबाट समेत दर्शनार्थी आइरहेका छन्
दिउँसो लाखे (जोङ राकस) र रातिको लाखे (बल्निय राकस) रोचक हुन्छ
राजेन्द्र मानन्धर

दोलखा — प्राचीन सहर दोलखा बजारवासी जात्रामा रमेका छन् । यहाँको ‘गुँला पर्व’ महोत्सवले सबैलाई एकजुट गराएको हो । सबै प्राचीन बजारमा मेला भर्ना ओइरिएका छन् ।

दोलखा बजारमा ‘गुँला पर्व’ का अवसरमा लाखे नाच प्रदर्शन गरिँदै । तस्बिर : कान्तिपुर

नेवारी बस्तीहरूमा यति बेला जात्राको मौसम छ । बजारमा प्रत्येक वर्ष यस्ता जात्रा भए पनि यस पटक आयोजित गुँला महोत्वसले प्राचीन राज्यको अस्तित्व सम्झाइरहेको छ । पुर्खाले जेजस्तो गरेर जात्रा देखाउँथे, त्यस्तै सीप र शैली पछयाउन महोत्सव गरिएको भीमेश्वर नगरपालिका २ का अध्यक्ष विराज श्रेष्ठले बताए ।

यी युवा अध्यक्ष कहिले ढोलक ठोक्छन् त कहिले लाखे बन्छन् । हरेक जात्रामा आफैं सहभागी हुन्छन् । उनीलगायत युवा टोली बाजा बजाउँदै करिब २१ किलोमिटर टाढा कालिञ्चोकसम्म पुगे । पुर्खाले दिएको यो क्रमलाई युवाले यस वर्ष पनि निरन्तर दिए, विशेष रूपसाथ । बूढापाकाले जात्रापर्व गर्ने जिम्मा पछिल्लो समय युवाको जिम्मा लगाएको उनी बताउँछन् ।

यसरी नै एक पुस्ताबाट अर्को पुस्तामा जात्रा र पर्वहरू हस्तान्तरण हुँदै आएको स्थानीय कला र संस्कृतिका जानकार तीर्थनारायण जोशीले बताए । मन्दिर, मूर्ति, कला र संस्कृतिले भरिएको दोलखा बजारमा वर्षभरिका जात्रापर्वमध्ये गुँला पर्व पनि एक हो । घण्टाकर्ण चतुर्थीबाट यो जात्रा सुरु हुन्छ ।

यस वर्ष यो पर्वलाई महोत्सवकै रूप दिइएकाले स्वदेश र विदेशबाट समेत दर्शनार्थी आइरहेका छन् । स्थानीय भीमेश्वर मन्दिर पूजा व्यवस्थापन समिति अध्यक्ष भरत श्रेष्ठका अनुसार घण्टाकर्ण, बौद्ध स्तूपा, मठमन्दिरमा बाजासहित परिक्रमा गरिन्छ । दिउँसो लाखे (जोङ राकस) र रातिको लाखे (बल्निय राकस) रोचक हुन्छ ।

जनैपूर्णिमाको दिनमा कालिञ्चोक भगवतीलाई आरधाना गरी दोलखामा दु:ख दिने राकस (लाखे) को संहार गरिन्छ । उक्त दिन उपकर्ण यज्ञ, पोखरीमा पौडिने प्रतिस्पर्धात्मक जात्रामा रमाइलो गर्न मानिस राजकुलेश्वर पोखरीमा भेला हुन्छन् ।

पाँच रात देखाइने भैरव–कुमारीको जात्रा अनौठो हुन्छ । एक जनाले रातभरि ढोलक बजाइरहनुपर्छ । बजाउन रोके अनर्थ हुने मान्यता छ र त्यहीँ ढोलकको तालमा भैरव र कुमारी नाच्छन् । भैरव, कुमारीलगायत सेनामेनाले नाच्दै दोलखा बजारका विभिन्न टोल, मन्दिर, डबली परिक्रमा गर्छन् ।

प्रकाशित : भाद्र १४, २०७५ ०८:०६
पूरा पढ्नुहोस्
प्रतिक्रिया
पठाउनुहोस्
ADVERTISEMENT