आशिफको कप्तानीमा यू–१९ टोली

कान्तिपुर संवाददाता

काठमाडौँ — भारतमा हुने चार टिम सम्मिलित यू–१९ क्रिकेट प्रतियोगिताका लागि आशिफ शेखको कप्तानीमा नेपालले शुक्रबार १५ सदस्यीय टोलीको घोषणा गरेको छ । यसअघि कोलकाताको इडेन गार्डेन र अर्को खेल स्थलमा हुने भनिएको प्रतियोगिता लखनउमा हुनेछ । त्यसका लागि नेपाली टोली सोमबार भारत लाग्नेछ ।

भारतमा हुने चार टिम सम्मिलित यू–१९ क्रिकेट प्रतियोगिताका खेल्न छनोटका लागि सहभागी खेलाडीहरु । तस्बिर : अंगद ढकाल

छनोट भएका खेलाडीहरूमा आशिफ बाहेक तृतराज दास, विपिन रावल, लोकेश बम, रित गौतम, पवन सर्राफ, किशोर महतो, रशिद खान, भिम शार्की, कमलसिंह ऐरी, सन्दीप जोरा, सागर ढकाल, अरुण ऐरी र मोहम्मद शम्साद अलाम छन् ।

Yamaha

अन्तर्राष्ट्रिय क्रिकेट परिषद् (आईसीसी) का प्रतिनिधि अमिनुल इस्लाम नेतृत्वमा नेपाली यू–१९ का मुख्य प्रशिक्षक विनोद दास, सुनोज भट्टराई, राजु खड्का सम्मिलित छनोट समितिले खेलाडी छनोट गरेको हो ।

नेपालले चार टिम सम्मिलित प्रतियोगितामा भारत, भारत ‘ए’ र अफगानिस्तानसँग प्रतिस्पर्धा गर्नेछ ।

Esewa Pasal

प्रकाशित : भाद्र २२, २०७५ १७:३७
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

प्रधानमन्त्री अोली र भारतीय पूर्वप्रधानमन्त्री बीच भेट

कान्तिपुर संवाददाता

काठमाडौँ — प्रधानमन्त्री केपी ओली र भारतीय पूर्व प्रधानमन्त्री एच डी देवेगौडाबीच शुक्रबार बालुवाटारमा शिष्टचार भेट भएको छ । 

भेटमा नेपालले बिमस्टेक सम्मेलन सफतापूर्वक सम्पन्न गरेकोमा देवेगौडाले प्रधानमन्त्री ओलीलाई बधाई तथा धन्यवाद दिएका थिए ।

देवेगौडाले प्रधानमन्त्री ओलीको भारत भ्रमणको स्मरण गर्दै नेपाल भारत सम्बन्धमा नयाँ उचाइमा पुर्‍याएको बताएका छन् ।

यस्तै, प्रधानमन्त्री ओलीले नेपाल र भारतका प्रधानमन्त्रीको भ्रमणले दुई पक्षीय हित र सम्बन्धलाई अझ गाढा बनाएको बताए ।

दुई देशका प्रधानमन्त्रीको भ्रमणबाट जलमार्ग, रेलमार्ग र कृषिका क्षेत्रमा उल्लेख्य उपलब्धि भएको प्रधानमन्त्री ओलीको भनाइ छ ।

प्रकाशित : भाद्र २२, २०७५ १७:०३
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT