साफ च्याम्पियनसिपः समूह 'ए' को अन्तिम खेल सबैलाई जित्नै पर्ने दबाब

हिमेश, कञ्चन अधिकारी

बंगलादेश ढाका — साफ च्याम्पियनसिप २०१८ को समूह 'ए' को अन्तिम खेल शनिबार हुँदै छ । बंगलादेशको राजधानी ढाकास्थित बंगबन्धु रंगशालामा आज अपरान्ह भुटान विरुद्ध पाकिस्तान र राति नेपाल विरुद्ध बंगलादेशबीच खेल हुँदै छ ।



Yamaha

समूह 'ए' मा रहेका चारै देशको सेमिफाइनल यात्राको सम्भावना कायमै रहेको छ। बाहिरिने सम्भावना पनि उस्तै रहेको छ। सबै टिमलाई जित्नै पर्ने दबाब छ। तर भुटानले भने पाकिस्तानलाई फराकिलो गोल अन्तरले पराजित गर्नुपर्ने छ।

यदि पहिलो खेलमा पाकिस्तान विजयी रहे नेपाललाई बंगलादेशसँगको खेल जित्नै पर्ने हुन्छ। भुटान जितेमा नेपाललाई बराबरी पर्याप्त हुनेछ। त्यसै स्थितमा नेपाल बंगलादेशसँग हारेमा पनि सेमिफाइनल पुग्न सक्छ। पाकिस्तान र भुटानबीच बराबरीको स्थितमा पनि नेपालका लागि बराबरी नै पर्याप्त हुन सक्छ।

आजको खेल

भुटान विरुद्ध पाकिस्तान
३:४५ (नेपाली समय)
नेपाल विरुद्ध बंगलादेश
६:४५ (नेपाली समय)

प्रकाशित : भाद्र २३, २०७५ ११:१३
ADVERTISEMENT
ADVERTISEMENT
प्रतिक्रिया
पठाउनुहोस्

अल्टिच्युडको हेलिकप्टर दुर्घटनाग्रस्त अवस्थामा भेटियो, १ महिलाको जिवितै उद्धार, ६ को मृत्यु

शवहरु भोली बिहान मात्रै काठमाडौं ल्याइने
सुरज कुँवर, हरिहरसिंह राठौर, कृष्ण थापा

काठमाडौँ / धादिङ / नुवाकोट — गोरखाको सामागाउँबाट शनिबार बिहान पाइलटसहित ६ जना नेपाली र एक जापानी नागरिक बोकेर आएको अल्टिच्युड एयरको हेलिकप्टर नुवाकोटको मेघाङ गाँउपालिका–१ बर्सुन्चेतको मैलुङ पाखास्थित खोँचमा दुर्घटनाग्रस्त भएको अवस्थामा फेला परेको छ। हेलिकप्टरमा सवार ६ जनाको मृत्यु भएको छ भने १ जना महिलालाई जिवितै उद्धार गरिएको छ । अहिले घटनास्थलमा प्रहरी, सेना र उद्दारकर्मीको टोली पुगेको छ ।

उद्धारमा गएको अल्टिच्युडकै हेलिकप्टरबाट लिइएको दुर्घटनाग्रस्त हेलिकप्टरको तस्बिर ।

अल्टिच्युड एयरका स्रोतका अनुसारआनी डोल्मा नाम गरेकी महिलालाई जिवित नै भेटिएको हो भने अन्यको शव फेला पारिएको छ। अानीलाई सिम्रिक एयरको हेलिकप्टरबाट उद्धार गरी ललितपुरस्थित मेडिसिटी अस्पताल ल्याइएको छ।

नुवाकोटका प्रहरी प्रमुख एसपी बसन्तबहादुर कुँवरकाअनुसार घटनास्थलमा ७ जना भेटिएकाको पुष्टी गरे।
तस्बिर सौजन्य : सुकमान तामाङ

दुर्घटनामा मृत्यु भएकाहरुको शव अहिले बोकेर अस्थायी हेलीप्याड बनाइएको स्थानमा ल्याउने काम भइरहेको उद्धारमा खटिएका लोकेन्द्र धामीले जानकारी दिएका छन्। उक्त स्थानबाट भोली मात्रै शवहरु काठमाडौंमा ल्याइने उनले बताए।

अल्टिच्युड एयरका संचालक सिताराम सापकोटाले दिएकाे जानकारी अनुसार१२ बजेतिर उद्धारकालागि गएको हेलिकप्टरले घटनास्थल देखेको थियो। जगंलमा रुखका हाँगा भाँचिएका र हेलिकप्टर छड्के अवस्थामा देखिएको सापकाेटाले बताए।

काठमाडौंबाट श्री एयरको हेलिकप्टरमा गएको मेडिसिटी अस्पतालका चिकित्सकसहितको टोली घटनास्थल पुगेको थियो। सिम्रिक एयरको हेलिकप्टरले डोरीबाट उद्धार गर्ने शेर्पा गाइडहरुको टोलीसमेत लिएर गएको थियो।
तस्बिर सौजन्य : सुकमान तामाङ

शनिबार बिहान ८ बजेर ५ मिनेटपछि हेलिकप्टरको टावरसँगको सम्पर्क टुटेको थियो। उक्त हेलिकप्टर क्याप्टेन निश्चल केसीले उडाएका थिए।

उक्त हेलिकप्टरमा जापानी नागरिक हिरोमी कोमत्सु, रामेछापका ४० वर्षीय दिल्लीबहादुर गुरुङ, दोलखाका ३७ वर्षीय हिरा शेर्पा, गोरखा चुमनुव्री गाउँपालिका २ की ल्हो आनी डोल्पा डिकी, गोरखा सामागाउँ चुमनुव्री साम्दो १ का छोवाङ नुर्वु, सिन्धुपाल्चोकका २२ वर्षीय सुनिल तामाङ र पाइलट केसी थिए।

काठमाडौं विमानस्थलका महाप्रबन्धक राजकुमार क्षेत्रीका अनुसार, यो हेलिकप्टर ८ बजेर १८ मिनेटमा काठमाडौं आइपुग्नुपर्ने समय थियो।

काठमाडौं विमानस्थलका प्रवक्तातिवारीले ११ बजेर ४५ मिनेटमा दिएको जानकारी अनुसार, खोज तथा उद्धारकालागि काठमाडौंबाट श्री एयरलाइन्सको हेलिकप्टर पनि पठाइएको थियो।

खोजी तथा उद्धारकालागि काठमाडौंबाट बिहान गएको अल्टिच्युडको हेलिकप्टर खराब मौसमका कारण त्यहाँ बस्न नसकेर काठमाडौं आएर फेरि फर्केर दोस्रोपटक गएको प्रवक्ता तिवारीले बताए।

स्थानीय बासिन्दामार्फत नुवाकोट र धादिङको सिमाना मोघाङ गाउँपालिका १ र २ को बीचमा पर्ने बसन्ते जंगलमा देखिएको सूचनाका आधारमा धादिङको दार्खा प्रहरी चौकी र नुवाकोटबाट प्रहरी टोली खटाएको एसपी डम्बरबहादुर विकले बताए।

मेघाङ गाउँपालिका–४ अध्यक्ष कमलबहादुर तमाङका अनुसार बिहान ८ बजेतिर जंगलमा केही पड्किएको ठूलाे आवाज आएको गाँउलेले सुने पनिकुहिरो लागेका कारण केही देख्न सकिएको छैन।गाँउलेहरु खाेजीमा गइरहेकाे उनले बताए।

यो हेलिकप्टरले शनिबार विहान ७ बजेर ३५ मिनेटमा गोरखाको सामागाउँमा अवतरण गरेको थियो। त्यस चार्टर उडानमा ४ चिनियाँ पर्यटक र एक नेपालीसहित ५ जना थिए। ७ बजेर ४० मिनेटमा फर्किदा १ जापानी नागरिकसहित ५ नेपाली ल्याएर फर्किएको थियो।

यो हेलिकप्टर एयरबस कम्पनीको बिथ्रीई भर्सनको हो। अल्टिच्युडले २ वर्षअघि यसलाई कार्गोमार्फत ल्याएर यतै एसम्बल गराएको थियो।


प्रकाशित : भाद्र २३, २०७५ १०:४९
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT