सलोनी र आरभको जित

सलोनीले पोखराका श्रेया भट्टराईमाथि सजिलो जित पाइन् । उनले ६–१, ६–० को सेटमा नतिजा निकालिन् । पुरुषतर्फ आरभले पोखराकै सौगात बिकलाई ६–१, ६–२ को सोझो सेटमा हराए । अन्य खेलमा भारतका आचिन्त्या बर्माले नेपालका पवनकुमार शर्मालाई ६–२, ६–० ले, रोहण पटेलले नेपालका इशान गुरुङलाई ६–०, ६–१ ले र नेपालका प्रितम परियारले भारतका हरिशरण भाष्करणलाई ६–४, ६–४ ले पराजित गरेका छन् ।

नेपालका इभ्याक जोशीले श्रेयष पौडेललाई ६–१, ६–० ले, प्रणव मानन्धरले आयुष्मान घलेलाई ६–२, ६–३ ले, सरोज तामाङले सक्षमविक्रम शाहलाई ६–२, ६–१ ले र अकी जुवेन रावतले राजवीर प्रधानलाई ६–०, ६–० ले पराजित गरे ।

महिलातर्फ निमिषा ढकालले प्रशंसा मोक्तानलाई ६–१, ६–१ ले र भारतका मिली छुगले नेपालकी श्रृष्टि राईलाई ७–६, ६–४ ले पराजित गरे ।

महिला डबल्सतर्फ इशाश्री शाह र सर्वांगी श्रेष्ठको जोडीले श्रेया भट्टराई र रामिका बुद्धाचार्यको जोडीलाई ६–०, ६–० ले, निमिषा ढकाल र आइसा डोल्कर गुरुङको जोडीले प्रशंसा मोक्तान र सुनीरा थापाको जोडीलाई ६–४, २–६ र सुपरटाईमा १०–६ ले पराजित गरे । सुभाङगीलक्ष्मी शाह र सलोनी तामाङको जोडीले भारतकी मिली छुग र नेपालकी अध्या पौडेलको जोडीलाई ६–३, ६–१ को सेटमा पराजित गरे ।