ईपीएलः पोखरा राइनोज लिग चरणबाट नै बाहिरियो (अपडेट)

त्रिवि मैदान कीर्तिपुुरमा टस हारेर व्याटिङ गरेको पोखराले निर्धारित २० ओभरमा ६ विकेट गुमाउँदै १६५ रन बनाएको थियो ।

जवाफी व्याटिङमा आएको काठमाडौंले ४ बल अगावै उक्त लक्ष्य भेट्टायो। काठमाडौंबाट केबिन ओ'ब्राइनले ३५ बलमा अविजति ५४ रन बनाए ।

बलिङतर्फ विक्रम सोबले २ तथा शक्ति गौचन र सुशन भारीले १/१ विकेट लिए ।

पोखराका रिचर्ड लेभीले २१ बलमा ३८, कायल कोएटरले २५ बलमा ३७ र पाउल कोलिनले ३८ बलमा ३७ रन बनाए ।

यस्तै काठमाडौंका केविन ओ' ब्राइन र विक्रम भुसालले २/२ विकेट लिए ।

...

काठमाडौंको कप्तान रोहन मुस्ताफले गरिरहेका छन् । नियमित कप्तान सोमपाल कामी घाइते भएको अवस्थामा अघिल्लो खेलमा काठमाडौंको कप्तानी केभिन ओ'ब्राइनले गरेका थिए । मुस्ताफाको प्रतियोगितामा यो पहिलो खेल हो ।

काठमाडौंले २ मध्येको १ खेल जितेको छ । अघिल्लो खेलमा काठमाडौंलाई ललितपुर प्याट्रियटसले १० विकेटले पराजित गरेको थियो ।

पोखरा प्रतियोगितामा पहिलो विजय हात पार्ने आशामा छ । पोखराले पहिलो तीन खेल नै हारिसकेको छ । काठमाडौंसँग पराजित भए प्रतियोगिताबाट बाहिरिने छ ।