कर्णको निर्णायक गोल

कान्तिपुर संवाददाता

पाँचथर — झापा ११ फिदिममा जारी फाल्गुनन्द गोल्डकप फुटबलको फाइनल पुगेको छ । शुक्रबार पहिलो सेमिफाइनलमा सरस्वती क्लब काठमाडौंलाई १–० ले हराउँदै झापा उपाधि नजिक पुगेको हो ।

झापाका कप्तान कर्ण लिम्बुले ५३ औं मिनेटमा गरेको गोल नै निर्णायक बन्यो । सरस्वतीको तर्फबाट मैदानमा उत्रेका विदेशी खेलाडीले पटक–पटक विवाद गर्दा खेल निर्धारित समयभन्दा केही लम्बिएको थियो ।

खेलमा झापाका दिलेन लोक्तामलाई म्यान अफ द म्याच घोषित भए । उनले १० हजारसहित पुरस्कृत गरियो । शनिबार रोयल फुटबल क्लब दार्जिलिङ र त्रिभुवन आर्मी क्लबबीच अन्तिम सेमिफाइनल खेल हुनेछ ।
राष्ट्रिय विभूति फाल्गुनन्द लिङदेनको स्मृतिमा आयोजित प्रतियोगिता विजेताले ४ लाख र उपविजेताले २ लाख रुपैयाँ प्राप्त गर्ने छन् ।

प्रकाशित : पुस २७, २०७५ २०:५७
ADVERTISEMENT
ADVERTISEMENT
प्रतिक्रिया
पठाउनुहोस्

पत्रकारको जेल सजायविरुद्धको अपिल खारेज

एएफपी

यांगुन — समाचार संस्था रोयटर्सका दुई पत्रकारलाई म्यान्मारमा दिइएको ७ वर्षको जेल सजायविरुद्ध गरिएको अपिललाई एक अदालतले खारेज गरिदिएको छ ।

रोयटर्समा कार्यरत ३२ वर्षीय वा लोन र २८ वर्षीय क्याव सोए ओलाई राज्यको सुरक्षा कानुन उल्लंघन गरेको आरोपमा सन् २०१७ को डिसेम्बरमा पक्राउ गरिएको थियो ।
राखिने राज्यको सुरक्षामा प्रश्नचिहन उठ्ने गरी यी पत्रकारहरुले गोप्य सूचना सम्पेषण गरेको म्यान्मार सरकारले आरोप लगाइएको हो ।

क्षेत्रीय उच्च अदालतका न्यायाधीश आङ नाइङले शुक्रबार लोन र ओले आफूहरुविरुद्ध सुनाइएको जेल सजायविरुद्ध गरेको अपिल खारेज गर्ने अदालतको निर्णय भएको बताए ।

लोन र ओ पक्राउ परेपछि अन्तर्राष्ट्रिय समुदाय र सञ्चारमाध्यमले प्रेस स्वतन्त्रताको हनन भएको आरोप लगाउँदै आएका छन् । तर म्यान्मार सरकार भने उनीहरुप्रति पत्रकारप्रति अनुदार देखिएको छ ।

म्यान्मारको राखिने राज्यमा सन् २०१७ मा भएको सैनिक दमनका कारण ७ लाख २० हजारभन्दा बढी रोहिंग्या मुस्लिम समुदाय विस्थापित भएका थिए । उनीहरु हाल बंगालदेशमा शरणार्थी जीवन बिताइरहेका छन् ।
सैनिक दमनका क्रममा रोहिंग्या मुस्लिमहरुको बलात्कार तथा हत्या गरिनुका साथै उनीहरुका घरमा आगजनी गरिएको राष्ट्रसंघी निकायको दाबी छ ।

प्रकाशित : पुस २७, २०७५ २०:४७
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT