डीपीएल : फाइनल प्रवेशका लागि काठमाडौं र महेन्द्रनगरबीच प्रतिस्पर्धा हुँदै

पहिलो क्वालिफायरमा सीवाइसी अत्तरियासँग हार ब्यहोरेको काठमाडौं र इलिमिनेटर खेलमा रुपन्देही च्यालेन्जर्सलाई हराउँदै विजेता बनेको महेन्द्रनगरबीच शुक्रबार प्रतिस्पर्धा हुन लागेको हो ।

धनगढीस्थित फाप्ला क्रिकेट मैदानमा आज मध्यान्ह साढे १२ बजे खेल हुनेछ । आजको खेलमा जित हात पार्ने टोलीले शनिबार हुने फाइनलमा अत्तरियाको समाना गर्ने छ ।

राउन्ड रोबिनको खेलमा काठमाडौंले महेन्द्रनगरलाई ७ रनले पराजित गरेको थियो ।