साफ महिला च्याम्पियनसिप : बंगालदेश र भुटान भिड्दै

भुटानले बंगलादेशलाई पराजित गर्न नसके नेपाल सेमिफाइनलमा
राजु घिसिङ

विराटनगर — दुई वर्षअघि फाइनल खेलेको बंगलादेशले बिहीबार कमजोर मानिएको भुटानविरुद्धको खेलमार्फत् पाँचौं साफ वुमेन्स च्याम्पियनसिपको यात्रा सुरु गर्दै छ ।


च्याम्पियनसिपको तेस्रो दिन सहिद मैदानमा हुने खेलमा बंगलादेशले सफलता हात पार्ने अनुमान गरिएको छ। सन् २०१० को पहिलो साफ महिला च्याम्पियनसिपमा बंगलादेशले भुटानलाई ९-० ले पराजित गरेको थियो। २०१२ को दोस्रो साफमा बंगलादेशले भुटानमाथि १-० को सफलता पाएको थियो। त्यसयता यी दुई टिम साफमा पहिलोपल्ट प्रतिस्पर्धा गर्न लागेका हुन्।

Citizen


बंगलादेश चौथो साफ २०१६ को उपविजेता हो। भुटानले साफको इतिहासमा कुनैपनि खेल जितेको छैन। पहिलो साफ २०१० मा श्रीलंकाविरुद्ध १-१ को बराबरी गरेबाहेक बाँकी सबै खेल उसले हारेको छ।

घरेलु टिम नेपालले पहिलो खेलमा भुटानलाई ३-० ले पराजित गरेको थियो। त्यसैले तीन देश सहभागि समूह ‘ए’को प्रतिस्पर्धामा बंगलादेशविरुद्ध हारेको अवस्थामा भुटान च्याम्पियनसिपबाटै बाहिरिनेछ। बराबरी नतिजा निस्किएको नेपाल र बंगलादेशबीच शनिबार हुने खेलले यो समूहबाट सेमिफाइनल पुग्ने अर्को टिमको टुंगो लगाउनेछ।

समूह ‘बी’मा बुधबार भएको खेलमा डिफेन्डिङ च्याम्पियन भारतले माल्दिभ्सलाई ६—० ले पराजित गरेको थियो। भारत साफ महिला च्याम्पियनसिपमा अघिल्ला चारै संस्करणको विजेता हो।

प्रकाशित : फाल्गुन ३०, २०७५ १२:०४
ADVERTISEMENT
प्रतिक्रिया
पठाउनुहोस्

कैलालीमा बिहेकाे गाडीमा आगजनी, तीनजना पक्राउ 

मोहन बुढाऐर

धनगढी — नेत्रविक्रम चन्द (विप्लव) समूहका कार्यकर्ताले कैलालीमा बिहेको गाडी जलाएका छन् । जिल्ला प्रहरी कार्यालयका प्रमुख एसपी आभुषण तिम्सिनाले म १ ख ४४१ नम्बरको  बसलाई कैलालीको मसुरिया र बडैपुरको नजिकमा बिहेको गाडी जलाएको बताए । 

भजनीबाट आइरहेका बेला बडैपुरमा राति १ बजे विप्लवका कार्यकर्ताले रोकेर आगजनी गरेकोे उनले बताए। उनका अनुसार बसमा जन्ती र बाजा बजाउने टोली थिए। उनीहरुलाई बाहिर निकालेर आगजनी गरेका हुन।

यसैगरी, बिहीबार बिभिन्न ठाउँमा शंकास्पद वस्तु भेट्टएिको छ। उक्त समूहले आज आयाेजना गरेकाे बन्दका कारण धनगढी, टिकापुर, सुख्खड, लम्की, भजनी लगायतका बजारहरु समेत बन्द छन्। लामो तथा छोटो दुरीका बसहरु समेतचलेकाछैनन्। बजारमा अटोरिक्सा र मोटरसाइकल मात्रै चलेका छन्। बन्दका कारण बाटोमै रोकिएका गाडीलाई प्रहरी स्कर्टिङमा बिहान गन्तब्यमा पठाइएकाे थियाे।

यसैबीच विप्लवका तीन कार्यकर्तालाई प्रहरीले पक्राउ समेत गरेको छ। उनीहरुलाई गोदावरी सडक खण्ड छेउबाट पक्राउ गरेको जनाएको छ।

प्रकाशित : फाल्गुन ३०, २०७५ १२:०२
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT