देवदह सेमिफाइनलमा

सिद्धार्थ रंगशालामा आइतबारको खेलमा टस जितेर पहिला ब्याटिङ गरेको देवदहले निर्धारित ५० ओभरको खेलमध्ये २५.५ ओभरमा सबै विकेट गुमाउँदै १ सय २२ रन बनायो । अर्जुन रायमाझी ४५ र प्रेम श्रेष्ठको १७ रन जोडे । तिरुपतिका देव खनालले ५, शरद रायले २ र केशव पौडेलले २ विकेट लिए ।

तिरुपति २८.५ ओभरमा ८९ रनमा अलआउट भयो । देव खनालले १९ र विशाल पौडेलले १७ रन बनाए । देवदहका सुरज खड्का र अर्जुन रायमाझीले समान ३ तथा विशाल श्रेष्ठले २ विकेट लिए । देवदहका अर्जुन रायमाझी म्यान अफ दी म्याच घोषित भए ।

सोमबार साई ग्लोबल कलेज भैरहवा र न्यू होराइन क्रिकेट क्लब बुटवलबीच प्रतिस्फर्धा हुनेछ । अहिलेसम्म लुम्बिनी खुकुरी क्रिकेट क्लब बेलहिया, वेस्टर्न त्रिकेट क्लव र देवदह क्रिकेट युनिट गरी तीन टिम सेमिफाइनलमा प्रवेश गरेका छन् ।