महिला खेलाडीलाई जनही १ लाख

नेपाली टोलीका प्रत्येक खेलाडीलाई प्रदेश १ सरकारले १–१ लाख र विराटनगर महानगरपालिकाले ५०–५० हजार रुपैयाँ पुरस्कार दिने घोषणा गरिसकेका छन् ।

एन्फाका प्रवक्ता किरण राईले साधारणसभाले एन्फा विधानको धारा २४ को उपधारा ५ मा रहेको पुरानै प्रावधान अनुमोदन गरेको बताए । केन्द्रीय पदाधिकारीहरू जिल्लाबाट मताधिकारसहित साधारणसभामा जाँदा केन्द्रीय प्रतिनिधिबाट राजीनामा गर्नुपर्ने पुरानो प्रावधान थियो । राईले भने एन्फाले राजीनामा गर्नु नपर्ने मस्यौदा तयार गरेको थियो । तर फिफाले पुरानै प्रावधान यथावत राख्न निर्देशन दिएपछि त्यसलाई सभाले अनुमोदन गरेको हो ।

सभाले आउँदो एक वर्षका लागि २३ करोड ७४ लाख ५० हजार रुपैयाँको बजेट परिमार्जनसहित स्वीकृत गरेको राईले बताए । उनका अनुसार खोटाङ, नवलपुर र मनाङ जिल्लामा जिल्ला फुटबल संघ गठन गरी फुटबल खेलको विकास र विस्तार गर्ने र ती जिल्लालाई एक वर्ष सम्मका लागि पर्यवेक्षकका रूपमा अस्थायी सदस्यता प्रदान गर्ने निर्णय गरिएको छ ।

पाँचौं साफ वुमेन्स च्याम्पियनसिप प्रतियोगिताको आयव्ययको विवरण एन्फाले चाँडै सार्वजनीक गर्ने प्रवक्ता राईले बताए । उनका अनुसार फाइनल दिनमाक्र टिकट बित्रीबाट १९ लाख ५५ हजार रुपैयाँ संकलन भएको थियो ।

प्रतियोगिताका लागि करिब १ करोड ६५ लाख रुपैयाँ खर्च हुने एन्फाको अनुमान थियो । प्रतियोगिताका लागि भौतिक पूर्वाधार निर्माणमा विराटनगर महानगरपालिकाले १ करोड २० लाख र प्रदेश १ सरकारले ५० लाख रुपैयाँ लगानी गरेका थिए ।