न्युकासललाई ठूलो राहत
लेस्टर — न्युकासल युनाइटेडले इंग्लिस प्रिमियर लिगमा शुक्रबार राति लेस्टरलाई १-० ले हरायो । यो जितपछि राफेल बेनिटेजको न्युकासल रेलिगेसन क्षेत्रबाट १० अंक अगाडि रह्यो ।
यस्तोमा न्युकासलको रेलिगेसन डर लगभग समाप्त भएको छ । उसका लागि लेस्टरको घरमा एजोज पेरेजले ३२ औं मिनेटमा हेडबाट निर्णायक गोल गरे ।
न्युकासलको ३४ खेलबाट ३८ अंक भएको छ र १३ औं स्थानमा पुगेको छ । प्रिमियर लिगबाट हडर्सफिल्ड र फुलहम रेलिगेसनमा परिसकेका छन् र अब एक अभाग्यशाली टिमको निर्णय हुन मात्र बाँकी छ ।
प्रकाशित : चैत्र ३०, २०७५ ०७:०९प्रतिक्रिया