बेंगलोरको रोमाञ्चक रनको जित
बेंगलोर — रोयल च्यालेन्जर्स बेंगलोरले इन्डियन प्रिमियर लिग (आईपीएल) २०१९ मा आइतबार राति चेन्नाइ सुपर किंग्समाथि रोमाञ्चक १ रनको जित दर्ता गरेको छ ।
प्रतियोगितामा यो विराट कोहलीको नेतृत्वमा रहेको बेंगलोरको तेस्रो जित मात्र हो र टिम ६ अंकमा लिग तालिकाको पुछारमा छ । हारका बावजुत चेन्नाइ भने १४ अंकमा शीर्ष स्थानमा छ ।
बेंगलोरको जित अन्तिम बलमा सम्भव भएको हो । चेन्नाइलाई जितका लागि अन्तिम बलमा दुई रन चाहिएको त्यो पूरा हुन सकेन् । पहिले ब्याटिङ गरेको बेंगलोरले ७ विकेटमा १ सय ६१ रन बनाएको थियो ।
जवाफमा चेन्नाइले ८ विकेटमा १ सय ६० रन मात्र बनाउन सक्यो । कप्तान महेन्द्रसिह धोनीले नटआउट रहेर ८४ रन बनाएपनि आफ्नो टिमलाई जितसम्म दोहराउन सकेनन् ।
प्रकाशित : वैशाख ९, २०७६ ०७:३१प्रतिक्रिया