पदकधारीलाई १० वर्षे प्रतिबन्ध

कान्तिपुर संवाददाता

काठमाडौँ — नेपाल जुडो संघले १२ औं सागका पदकधारी रमेश मगरलाई १० वर्षको प्रतिबन्ध लगाएको छ । प्रशिक्षकको व्यवहारिक परीक्षाका लागि हंगेरी गएका रमेश नफर्किएपछि संघले कारबाही गरेको हो ।

संघको वैशाख २० मा बसेको बैठकले रमेशलाई कारबाही गर्ने निर्णय गरेको हो । भारतमा सम्पन्न सागका कांस्य पदक विजेता हुन् । ११ औं ढाका सागमा भने बंगलादेशमै लिफ्ट दुर्घटनामा परेर सहभागिता जनाउन पाएनन् ।

Citizen

रमेश अन्तर्राष्ट्रिय जुडो फेडेरेसनको एकेडेमी लेभल १ प्रशिक्षक कोर्सको सैद्धान्तिक परीक्षा उत्तीर्ण गरी व्यवहारिक परीक्षाका लागि वैशाख १ गते हंगेरी गएका थिए । उनी परीक्षामा सहभागी नभई उतैबाट पलायन भएपछि संघको प्रतिष्ठामा आँच पुर्‍याएकाले कारबाही गरिएको जुडो संघले जनाएको छ ।

यसअघि जुडो संघले ओलम्पियन फुपुल्हामु खत्रीलाई सन् २०२० को टोकियो ओलम्पिकसम्मका लागि प्रतिबन्ध लगाएको थियो । ओलम्पिक सोलिडारिटी कोर्सअन्तर्गत जापानमा विशेष प्रशिक्षणमा पठाइएकी १२ औं सागकी स्वर्णधारी फुपुलाई कोर्स पूरा नगरी जापानको कुनै पनि निकाय र जुडो संघसँग समन्वय नगरी स्वदेश फर्किर्एकाले कारबाही गरिएको हो । उनलाई जुडोसँग सम्बन्धित कुनै पनि कार्यक्रममा सहभागी नगराउने संघले विज्ञप्तिमार्फत जनाएको छ ।

प्रकाशित : वैशाख ३१, २०७६ ०७:४९
ADVERTISEMENT
प्रतिक्रिया
पठाउनुहोस्
ADVERTISEMENT

सूर्य नेपाल प्रिमियर गल्फ : जयरामको अग्रता

कान्तिपुर संवाददाता

काठमाडौँ — सूर्य नेपाल गल्फ टूर २०१८/१९ अन्तर्गत अन्तिम प्रतियोगिता सूर्य नेपाल प्रिमियर गल्फ च्याम्पियनसिपको पहिलो चरणमा जयराम श्रेष्ठले अग्रता बनाएका छन् ।

गोकर्ण गल्फ कोर्समा सोमबार शट प्रहार गर्दै जयराम श्रेष्ठ । तस्बिर : केशव थापा/कान्तिपुर

पहिलो दिन सोमबार जयरामले ४ अन्डर ६८ को प्रदर्शन गर्दै एमेच्योर सुवास तामाङलाई १ स्ट्रोकले पछि पारेका छन् । सुवासले ३ अन्डर ६९ को प्रदर्शन गरे ।


दुई अन्डर ७० को स्कोर गरेका कृष्णमान राजवाहक र चूडाबहादुर भण्डारीले सुवास र जयरामलाई पछ्याइरहेका छन् । रामे मगर, विकास अधिकारी र एमेच्योर टंकबहादुर कार्कीले संयुक्त रूपमा एक अन्डर ७१ को स्कोर गरे ।

दीपेन्द्र रायमाझी, सचिन भट्टराई तथा एमेच्योर टासी छिरिङ र विनोद तामाङले इभन पार ७२ को स्कोर गर्दा भूबहादुर गुरुङ, संजोग मोक्तान, धन थापा, बलभद्र राई, दीपक आचार्य र दीपक मगरले १ ओभर ७३ स्कोर गरेका छन् ।

जयरामले सुरुआती दुई होलमा पार प्रदर्शनबाट सुरुआत गरे । तेस्रो होलमा उनले इगल प्रहार गरे । पाँचौं, सातौं र नवौं होलमा बर्डी प्रहार गरेका उनले फ्रन्ट नाइनमा ४ अन्डर ३२ को स्कोर निकाले । ब्याक नाइनमा १६ औं होलमा बोगी खेपेका उनले १८ औं होलमा बर्डी प्रहार गरी इभर पार ३६ को प्रदर्शन गरे ।

प्रतियोगितामा ४० व्यावसायिक र २० एमेच्योर गल्फरको सहभागिता छ । १६ लाख रुपैयाँ पुरस्कार राशिको यस प्रतियोगिता सिजनकै ठूलो हो । विजेताले २ लाख ३० हजार, उपविजेताले १ लाख ४० हजार र तेस्रो हुनेले ९५ हजार रुपैयाँ पुरस्कार पाउनेछन् । अन्य २४ स्थानसम्म आउने नगद पुरस्कार पाउनेछन् ।

प्रकाशित : वैशाख ३१, २०७६ ०७:४८
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT