सिटी कति धेरै बलियो

एएफपी

लन्डन — पेप ग्वार्डिओलालाई उल्टै लाज लागेको हुनुपर्छ, म्यानचेस्टर सिटीले वाटफोर्डलाई एफए कप फाइनलमा शनिबार राति ६-० ले हराउँदा । कपको १ सय १६ वर्षे इतिहासमा फाइनल एकपक्षीय बिरलै भएको छ ।

सिटी कप्तान भिन्सेन्ट कोम्पनी  एफए कपका साथ । तस्बिर : एपी

यसले पनि देखाउँछ, यसपल्टको इंग्लिस फुटबल सिजन कस्तो रह्यो भनेर । सिटी साँच्चै कति धेरै बलियो रह्यो भने यस्तो प्रभुत्वको सिजन यसअघि कहिल्यै देखिएको थिएन । सिटीले एकै सिजन पहिलोपल्ट तीन उपाधि जित्यो ।

पि्रमियर लिग, एफए कप र लिग कप । सँगै कम्युनिटी सिल्ड पनि । अबुधाबीको शाही परिवारका सदस्य शेख मन्सुरले के एकपल्ट सिटीको स्वामित्व आफ्नो हातमा लिए, क्लबले जितेको यो प्रमुख उपाधिको संख्या १० पुगेको छ । प्रशिक्षककै रूपमा ग्वार्डिओलाले जितेको उपाधिसंख्या पनि २७ पुगेको छ । त्यसमध्ये ६ उपाधि उनले ३ वर्षअघि इंल्यान्ड आएयता जितेका हुन् । कुल १४ वर्षमा ग्वार्डिओलाले बार्सिलोनाका लागि १४ र बायर्न म्युनिखका लागि ७ उपाधि जिते ।

सिटीका लागि उनले एक उपाधि भने अहिलेसम्म जित्न सकेका छैनन् । यस्तै पीडा उनले जर्मनी छँदा पनि बेहोरेका थिए । त्यो थियो युरोपेली च्याम्पियन्स लिग । जति बेलासम्म सिटीले उनको नेतृत्वमा च्याम्पियन्स लिग जित्ने छैन । उनी र क्लबले केही जितेको छैन भनेर पनि आलोचना गरिने छ । भलै, तिनै ग्वार्डिओलाले बार्सिलोनाका लागि दुईपल्ट युरोपेली उपाधि जिते । सायद के सम्म भन्न मिल्छ भने एकै सिजन घरेलु तीनै उपाधि जित्नु आफैमा दुर्लभ छ ।

यो च्याम्पियन्स लिग जित्नुभन्दा पनि कठिन छ किनभने अहिलेसम्म कुनै टिमले यस्तो उपलब्धि हात पार्न सकेको छैन । यी क्याटलन फुटबल प्रशिक्षकले सिटी र इंग्लिस फुटबलका लागि त्यस्तो उच्च सफलताको आधार तयार पारेका छन्, जसमा सबैलाई गर्व हुनेछ । अर्को सिजन थप सफलताका लागि सिटी अझै भोको भने रहनेछ । 'हामीले पि्रमियर लिग एकै अंकले मात्र जित्यौं, हाम्रा प्रतिस्पर्धी धेरै पछाडि थिएनन्, त्यसैले हामी शान्त रहन सक्दैनौं,' ग्वार्डिओला आफैं यति मान्छन् ।

उनको थप विश्लेषण छ, 'लिभरपुलले हामीलाई प्रस्टसँग देखाएको छ, भविष्यमा केही जित्न अझ कति गाह्रो हुनेछ भनेर । निश्चित छ, हामी निकै माथिल्लो स्तरको प्रतिस्पर्धा सामना गर्दैछौं र गर्नेछौं ।' उनको यो दाबी केही हदसम्म होइन जस्तो पनि लाग्नेछ । यो तथ्यले समग्र इंग्लिस फुटबललाई नै राम्रो भने गर्ने छैन । नत्र वेम्बलीमा हुने एफए कप फाइनल यति साह्रो एकपक्षीय हुने थिएन । देखिने थिए, धनी र ठिक्कको क्लबबीचको स्तरअन्तर अझ बढ्दै छ ।

सिटी वास्तवमै कति बलियो छ भने ग्वार्डिओलासामु सर्जियो अगुइरो जतिको खेलाडीलाई पूरा ९० मिनेट बेन्चमै राख्ने उपाय छ । अनि केभिन डे ब्रुयनलाई पनि खेलको अन्तिम ४० मिनेटमा उतार्ने तर तिनै खेलाडी अझै खेलको 'म्यान अफ द म्याच' हुने मौका पनि हुनेछ । त्यति मात्र होइन, ग्याबि्रयल जेससले लिगमा जम्माजम्मी ८ पल्ट सुरुदेखि खेल्न पाए तर यी खेलाडीको सिजनमा गरेको गोलसंख्या २१ पुग्छ । फाइनलमै पनि उनले २ गोल गरे ।

सिटीले लगातार दोस्रो सिजन यसपल्ट लिग उपाधि जितेको हो । यसक्रममा पि्रमियर लिगमा उपाधिका लागि चर्को प्रतिस्पर्धा चलेको तथ्य पनि हामीसँग नभएको होइन । लिभरपुल दोस्रो स्थानमा रह्यो र उसले बटुलेको अंक पनि लिग इतिहासमै तेस्रो बढी थियो । सिटीले एफए कप जितेकै दिन, बार्यन म्युनिखले पनि जर्मनीमा लिग जित्यो । अर्को दुर्लभ संयोग पनि बन्यो, युरोपका पाँच ठूला लिगमा पहिलोपल्ट यसअघिकै विजेताले उपाधि रक्षा गरेको ।

वाटफोर्ड भने फेरि एकपल्ट क्लब इतिहासमै पहिलोपल्ट कुनै ठूलो उपाधि जित्नबाट वन्चित रह्यो । यहाँनिर डर के पनि छ भने कतै सिटीमाथि च्याम्पियन्स लिग खेल्नबाट एक वर्ष प्रतिबन्ध लाग्ने त होइन ? फिफा र यूईएफएले सिटीविरुद्ध छानबिन पनि गरिरहेको छ, कतै चर्को आर्थिक चलखेल पनि गर्‍यो कि भनेर । केही नचिताएको भएमा यो नै सिटीलाई रोक्ने एकमात्र उपाय हुनसक्ने छ । अहिले तत्काल भने सिटीको नजर हुनेछ, कम्युनिटी सिल्डमा लिभरपुलविरुद्ध हुने खेल ।

- किरन चानिङ

प्रकाशित : जेष्ठ ६, २०७६ ०७:४९
ADVERTISEMENT
प्रतिक्रिया
पठाउनुहोस्
ADVERTISEMENT

विश्व र्‍याफि्टङ च्याम्पियनसिप : नेपाल दसाैं

राजु घिसिङ

क्वीन्सल्यान्ड, अस्ट्रेलिया — नेपाली टिमले डाउन रिभरमा उत्कृष्ट प्रदर्शन गर्दै छैटौं स्थान हासिल गरेको छ । त्यससँगै नेपाल क्वीन्सल्यान्डस्थित टली नदीमा आइतबार सम्पन्न १८ औं विश्व र्‍याफि्टङ च्याम्पियनसिपको पुरुष खुलातर्फ शीर्ष १० भित्र अटाउन सफल भयो । आर ६ को विश्व च्याम्पियनसिपमा यो नै नेपालको सबैभन्दा राम्रो नतिजा हो ।

१८ औं विश्व र्‍याफि्टङ च्याम्पियनसिपमा आइतबार डाउन रिभरमा प्रतिस्पर्धा गर्दै नेपाली टोली ।

अघिल्लो दिन स्ललोममा ५५ सेकेन्ड पेनाल्टी बेहोरेपछि १३ औं स्थानमा रहेको नेपाल समग्र (ओभरअल) मा १२ औं स्थानमा झरेको थियो । त्यसैले च्याम्पियनसिपको अन्तिम दिन डाउन रिभरमा सहभागी १६ देशमध्ये ८ टिमको अन्तिम समूहमा रहेर नेपालले डुंगा खियाउन सुरु गरेको थियो । आफ्नो समूहमा पहिलो भएको नेपालले ४६ मिनेट ४८.३० सेकेन्डमा रेस पूरा गर्दै डाउन रिभरमा छैटौं स्थान हात पार्‍यो ।

यस स्पर्धामा न्युजिल्यान्ड (४४ मिनेट ५८.४१ सकेन्ड), रुस (४५ मिनेट ३३.२७ सेकेन्ड) र ब्राजिल (४६ मिनेट २४.९७ सेकेन्ड) ले क्रमश : स्वर्ण, रजत र कांस्य पदक जिते । सुरज गुरुङ, शक्तिकुमार गुरुङ, पदमबहादुर गुरुङ, दीपेश गुरुङ, सविन गुरुङ, रविल मियाँको नेपाली टिमलाई नजिक रहेर पनि चेक गणतन्त्र (४६ मिनेट २९.४४ सेकेन्ड) र जापान (४६ मिनेट ३१.९८ सेकेन्ड) ले भने उछिन्न सकेन ।
सुरुमै अरु टिम अगाडि बढेपछि नेपाल अन्तिममा परेको थियो ।

त्यसैले विस्तारै गति लिँदै नेपालले आफ्नो समूहमा सबैभन्दा अगाडि रेस पूरा गरेको हो । आधा दूरी पार गर्दासम्म अमेरिका, क्यानडा, इन्डोनेसिया र कोस्टारिकाभन्दा पछाडि रहेको नेपाली टिमले अन्त्यतिर टलीमा सही लय समातेको थियो । अन्त्यतिर अमेरिकालाई उछिन्दै नेपाल आफ्नो समूहमा पहिलो भयो । तेस्रो दिन शीर्ष आठमा रहेका टिमहरू पहिलो समूहमा थिए । त्यो समूहमा रहेका चीन, जर्मनी र आयोजक अस्ट्रेलियाभन्दा नेपालले राम्रो समय निकाल्दै डाउन रिभरमा छैटौं स्थान हात पारेको हो ।

'रेस सुरु गर्दा अन्त्यमा परेका थियौं,' नेपालका कप्तान सुरज गुरुङले भने, 'त्यसबाट सम्हालिँदै अगाडि बढेर सोचेभन्दा राम्रो समय निकाल्यौं । सुरुमै डुंगा जुध्नुपूर्व अघि बढ्न पाएको भए त्योभन्दा छोटो समयमै रेस पूरा गर्नसक्थ्यौं ।' डाउन रिभरमा इन्डोनेसिया सातौं, अमेरिका आठौं, क्यानडा नवौं र जर्मनी दसौं भए भने त्यसपछि अस्ट्रेलिया, कोस्टारिका, चीन, नर्वे, रोमानिया र कोलम्बिया क्रमशः ११ देखि १६ औंसम्म रहे ।

नेपालले आर ६ तर्फको विश्व र्‍याफटङ च्याम्पियनसिपमा प्रतिस्पर्धा गरेको यो दोस्रो अवसर हो । यसअघि सन् २०१७ मा जापानमा सम्पन्न च्याम्पियनसिपमा नेपाल डाउन रिभरतर्फ १३ औं भएको थियो । त्यस बेला नेपाली टिम १७ देशमध्ये समग्रमा १३ औं भएको थियो । त्यो प्रदर्शनलाई यसपालि उछिन्यो ।

निमबहादुर मगरले दुई महिना सेती, मस्र्याङदी, त्रिशूलीमा प्रशिक्षण दिएको टिम स्पि्रन्टमा पाँचौं, हेड टु हेडमा नवौं, स्ललोममा १३ औं र डाउन रिभरमा छैटौं हुँदै समग्रमा दसौं स्थानमा रह्यो ।

स्पि्रन्ट (१०∞), हेड टु हेड (२०∞), स्ललोम (३५∞) र डाउनरिभर (३५∞) गरी १ हजार अंकको प्रतिस्पर्धामा नेपालले ६ सय ७२ अंकजोड्यो । अन्तर्राष्ट्रिय र्‍याफि्टङ महासंघ (आईआरएफ) ले विश्व च्याम्पियनसिपमा शीर्ष आठमा रहने टिम २०२० को मार्चमा चिलीमा हुने विश्व र्‍याफि्टङ कपमा छनोट हुने घोषणा गरेको थियो । आठौं स्थानमा रहेको इन्डोनेसियाभन्दा १६ अंक पछाडि रहेपछि नेपालले चिली यात्रा निश्चित गर्न भने सकेन । छनोट भएका पुरुष खुलाका आठ र महिलाका सात टिमलाई आतेजाते र खानेबस्नेको सबै व्यवस्था आईआरएफले गर्ने जनाएको छ ।

ब्राजिल फेरि च्याम्पियन
डिफेन्डिङ च्याम्पियन ब्राजिलले सर्वाधिक ९०९ अंक जोड्दै पुरुष खुलाको उपाधि रक्षा गर्‍यो । स्पि्रन्ट र स्ललोममा स्वर्ण पदक जितेको ब्राजिल हेड टु हेडमा पाँचौं र डाउन रिभरमा तेस्रो भयो । उसले स्पि्रन्ट र हेड टु हेडमा तेस्रो तथा स्ललोम र डाउन रिभरमा दोस्रो भएको रुसलाई ७ अंकले पछाडि पार्दै उपाधि रक्षा गरेको हो ।

दुई वर्षअघि जापानमा चारै स्पर्धामा स्वर्ण कब्जा गरेको ब्राजिलले यसअघि सन् २००७, २००९, २०१३, २०१५ र २०१७ मा आर ६ को विश्व च्याम्पियनसिप जितेको थियो । २(२ वर्षमा हुने आर ६ को च्याम्पियनसिप २०११ मा जापानले जितेको थियो ।

प्रकाशित : जेष्ठ ६, २०७६ ०७:४७
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT