नेपाली फुटबल टोली घोषणा : अभिषेक भित्र, विमल बाहिर

कान्तिपुर संवाददाता

काठमाडौँ — आसन्न दुई अन्तर्राष्ट्रिय मैत्रीपूर्ण फुटबलका लागि मुख्य प्रशिक्षक योहान कालिनले नेपाली राष्ट्रिय फुटबल टोलीको घोषणा गरेका छन् । नेपालले मलेसियासँग जेठ १९ मा क्वालालम्पुर र चाइनिज ताइपेईसँग जेठ २३ मा अन्तर्राष्ट्रिय मैत्रीपूर्ण फुटबल खेल्दैछ । 

अन्तर्राष्ट्रिय मैत्रीपूर्ण फुटबलका लागि सातदोबाटोस्थित एन्फा मैदानमा अभ्यासरत खेलाडी । 

फिफा विश्वकप २०२० छनोटको तयारीका रूमा नेपालले अन्तर्राष्ट्रिय मैत्रीपूर्ण फुटबल खेल्न लागेको हो । एक साताको प्रशिक्षणका आधारमा मुख्य प्रशिक्षक कालिनले टोली छनोट गरेका हुन् ।

‘यो हाम्रा लागि खेलस्तर बढाउने अवसर हो । हामीले दुवै खेल प्रतिस्पर्धात्मक हुने अपेक्षा गरेका छौं,’ कालिनले भने, ‘केही नयाँ खेलाडीले अभ्यासमा उत्कृष्ट प्रदर्शन गरेका छन् र उनीहरूले खेलमा पनि आफूलाई प्रमाणित गर्ने अपेक्षा छ । केही खेलाडीमा फिटनेस समस्या देखिएकाले उनीहरूको स्थानमा फिट खेलाडी समावेश गरेका छौं ।’ फिटनेसका कारण विमल घर्तीमगर र भरत खवास टोलीमा परेनन् ।

नेपाली टोलीमा अभिषेक रिजालले पहिलोपल्ट स्थान बनाएका छन् । उमेर समूहका प्रतियोगितामा उत्कृष्ट प्रदर्शन गर्दै आएका राइट विंगर अभिषेकले सिनियर टिमबाट आफूलाई प्रमाणित गर्ने अवसर पाएकोमा खुसी व्यक्त गरे ।

नेपाली टोली : किरण चेम्जोङ, एलन न्यौपाने, विकेश कुथु, विराज महर्जन (कप्तान), सरोज दाहाल, रजिन धिमाल, सुमन अर्याल, अनन्त तामाङ, अजित भण्डारी, देवेन्द्र तामाङ, रवि सिलवाल, सुनील बल, रवि पासवान, सुजल श्रेष्ठ, विशाल राई, रोहित चन्द, विक्रम लामा, सन्तोष तामाङ, तेज तामाङ, विमल राना, नवयुग श्रेष्ठ, अविषेक रिजाल र अञ्जन विष्ट ।

प्रकाशित : जेष्ठ ७, २०७६ १०:०३
ADVERTISEMENT
प्रतिक्रिया
पठाउनुहोस्
ADVERTISEMENT

कालिञ्चोक केबलकार : वन क्षेत्र अतिक्रमण

राजेन्द्र मानन्धर

दोलखा — कालिञ्चोक केबलकारले वन क्षेक्र अतित्रमण गरेको भन्दै स्थानीय आन्दोलित भएका छन् । उनीहरूले कालिञ्चोकमा अतिक्रमण भएको भन्दै केबलकार शनिबार बन्दसमेत गरेका थिए । 

धार्मिक तथा प्राकृतिक स्थल कालिञ्चोक क्षेक्रमा केबलकारले काँडेतार लगाएर जग्गाहरू कब्जा गर्दै गएको र रेस्टुरेन्ट सञ्चालनमा ल्याएको स्थानीयको आत्रोश छ ।

जिल्ला समन्वय समिति, कालिञ्चोक गाउँपालिका र प्रशासनको प्रयासमा आइतबारबाट
भने केबलकार सञ्चालनमा ल्याइएको छ ।

केवलकारले लगाएको काँडेतारका पोलहरू उखेलिएको छ । केबलकार चढेर गएपछि मन्दिरनजिकै राखिएको रेस्टुरेन्ट तोडफोड भएको छ । स्थानीय होटल व्यवसाय सञ्चालन गर्नेहरूले गरिएको ऊक्त आत्रमणबाट केबलकारलाई ठूलो क्षति पुगेको कालिञ्चोक दर्शन प्रालिका अध्यक्ष बालकृष्ण शिवाकोटीले बताए । ‘अरूहरूले गरेजस्तै गरी केबलकारले व्यापार गर्न पनि असुरक्षित भयो,’ उनले भने ।

केबलकार र विभिन्न व्यक्तिले कालिञ्चोकमा संरचनाहरू बनाउने क्रम पछिल्ला समयमा बढेको छ । १५ वर्षअघिसम्म एक दर्जन छाप्रा र केही चौंरीगोठ भएको उक्त क्षेत्रमा अहिले सानाठूला सय बढी घर र टहराहरूले भरिएका छन् ।

जथाभावी बनाइएका संरचनाले कालिञ्चोकको कुरूप बन्दै गएको छ । पर्यावरणीय समस्या थपिँदो छ । डोजर चलाइँदा घाँसेमैदानहरू छियाछिया भएका छन् ।

सदरमुकाम चरिकोटबाट १७ किलोमिटर दूरीमा रहेको तीन हजार आठ सय ४२ मिटर अग्लो कालिञ्चोक क्षेत्र धर्म र प्राकृतिक दृष्टिले महत्त्व ठानिन्छ । धर्मकर्म गर्ने र प्राकृतिक सुन्दरतामा रमाउन वार्षिक लाखौं मानिस उक्त क्षेत्र पुग्छन् ।

जाडो मौसममा हिमपात हुने, मौसमअनुसार गुराँसलगायत विभिन्न जातका फूलहरू फुल्ने उक्त क्षेत्रको विशेषता हो । सूर्योदय र सूर्यास्तको मज्जा लिन सक्ने उक्त क्षेत्रबाट रोल्वालिङ र लाङटाङ हिमशृंखलादेखिनाले पनि मानिस त्यहाँ पुग्छन् ।

हिन्दु र बौद्धमार्गीहरूको साझा थलो कालिञ्चोक मन्दिर क्षेत्र पुग्नका लागि बनाइएको एक किलोमिटर दूरीको केलबकार निर्माणपछि उक्त क्षेत्रमा मानिसको भीड लाग्ने गरेको छ । वनको जग्गा गुठी संस्थानले लिएपछि उक्त केबलकारलाई २.४ हेक्टर अर्थात् ५० रोपनीभन्दा बढी जग्गा भाडामा दिएको छ ।

अन्य ४० वटा व्यवसाय सञ्चालनका लागि गुठीले मासिक स्क्वायर फुटका आधारमा भाडा लिने गरी लिजमा दिएको छ । त्योबाहेक थप ५० वटाभन्दा बढी व्यवसाय अनधिकृत रूपमा सञ्चालनमा छ ।

पछिल्लो समयमा केबलकारले लिएको जग्गामध्ये २५ रोपनी जति क्षेत्रभित्र सुरक्षाका निम्ति कम्पाउन्ड लगाउन थालिएको केबलकारको दाबी छ । कालिञ्चोक क्षेक्र अतित्रमणको मारमा पर्दै गएपछि स्थानीय प्रशासनले यसअघि नै थप संरचना बनाउन नपाउने सूचना जारी गरेको थियो ।

प्रकाशित : जेष्ठ ७, २०७६ ०९:५९
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT