विश्वकपमा ३२ टिम मात्र

यसलाई फिफा अध्यक्ष जियानी इन्फान्टिनोका लागि धक्का मानिएको छ । अब कतारमा हुने विश्वकपमा ३२ टिमको मात्र सहभागिता हुनेछ ।

फिफाले लामो गृहकार्य र छलफलपछि यो निर्णय गरेको पनि जनाउँदै अहिले तत्काल परिस्थितिमा सहभागी टिमसंख्या बढाउनु ठीक नहुने निष्कर्ष निकालेको हो । ‘त्यसैले यसअघिको निर्णयअनुसार अबको विश्वकपमा ३२ टिम नै हुनेछ । टिमको संख्या बढाउने प्रस्ताव जुन ५ को कंग्रेसमा लगिने छैन,’ फिफाले जनाएको छ ।

सहभागी संख्या बढाउने योजना अध्यक्ष इन्फान्टिनोको आफ्नै थियो । उनको यो निर्णय कार्यान्वयन भएको भए कतारले विश्वकपका केही खेलको अयोजना गर्न छिमेकी देशसँग सहकार्य गर्नुपर्ने हुन्थ्यो । तर कतारका केही छिमेकीसँग अहिले राम्रो सम्बन्ध छैन र कतारमाथि नाकाबन्दी चलिरहेको छ ।