धोनीले पन्जा फेरे

एएफपी

लन्डन — क्रिकेटको नियमक निकाय अन्तर्राष्ट्रिय क्रिकेट परिषद् आईसीसीको निर्देशनबमोजिम भारतीय विकेटकिपर महेन्द्रसिंह धोनीले प्रयोग गर्ने पन्जामा प्रयोग भएको विवादास्पद लोगो अस्ट्रेलियाविरुद्धको खेलमा हटाइएको छ । दक्षिण अफ्रिकाविरुद्धको आफ्नो सुरुआती खेलमा धोनीले स्पष्ट सैनिक प्रतीक चिह्नको प्रयोग गरिएको पन्जा लगाएका थिए, जुन आईसीसीद्वारा निर्धारित नियमको उल्लंघन थियो ।

धोनीले आइतबार आईसीसीको नियमअनुसार पन्जा परिवर्तन गरेका छन् । भारतले ओभलमा विश्व च्याम्पियन अस्ट्रेलियाविरुद्ध ५ विकेटको क्षतिमा ३ सय ५२ रन जोडेको थियो ।

आईसीसीले नियम उल्लंघन नगर्न निर्देश गरे पनि भारतीय क्रिकेट कन्ट्रोल बोर्ड (बीसीसीआई) तथा भारतका सञ्चारमाध्यम र सामाजिक सञ्जाल प्रयोगकर्ताले धोनीको बचाउ गरेका थिए । विश्वकपको कपडा तथा उपकरणको नियमअनुसार हरेक खेल सामग्रीमा मात्र २ उत्पादक कम्पनीको लोगो राख्ने छुट छ । साथै प्रयोग गरिएका कुनै उपकरणमा राजनीतिक वा जातीय धारणा हुनुहुँदैन । धोनी भारतको प्यारासुट रेजिमेन्टका मानार्थ लेफटनेन्ट कर्नेल हुन् ।


प्रकाशित : जेष्ठ २७, २०७६ ०९:०२
प्रतिक्रिया
पठाउनुहोस्

अस्ट्रेलियामाथि भारतको जित

एएफपी

लन्डन — शिखर धवनको शतकमा भारतले आइतबार विश्वकप क्रिकेटमा अर्को दाबेदार अस्ट्रेलियालाई ३६ रनले पराजित गरेको छ । भारतले लगातार दोस्रो विजय हात पारेको हो । भारतले पहिलो खेलमा दक्षिण अफ्रिकालाई पराजित गरेको थियो । पहिलो दुई खेल जितेको अस्ट्रेलियाले पहिलो हार बेहोरेको हो । 

शतक बनाएपछि शिखर धवन । साथमा भारतका कप्तान विराट कोहली ।तस्बिर : एपी


धवनले आफ्नो १७ औं शतक बनाउने क्रममा १ सय ९ बलमा १ सय १७ रन बनाएपछि टस जितेको भारतले निर्धारित ५० ओभरमा ५ विकेट गुमाई ३ सय ५२ रन बनायो । रोहित शर्मासँग पहिलो विकेटमा १ सय २७ रन जोडेका धवनले १६ चौका प्रहार गरे । शर्मा ७० बलमा ५७ रन बनाई आउट भए । कप्तान विराट कोहलीले ७७ बलमा ८२, हार्दिक पाण्ड्याले २७ बलमा ४८, महेन्द्रसिंह धोनीले १४ बलमा १७ रन बनाए भने केएल राहुल ३ बलमा ११ रन बनाई अविजित रहे ।

कोहलीले ४ चौका र २ छक्का तथा पाण्ड्याले ४ चौका र ३ छक्का प्रहार गरे । धोनीको इनिङ्समा ३ चौका समावेश थियो । अस्ट्रेलियाका मार्कुस स्टोइनिसले २ विकेट लिए ।

जबाफमा आएको अस्ट्रेलिया पूरा ५० ओभर खेली ३ सय १६ रनमा अलआउट भयो । एलेक्स क्यारी ३५ बलमा ५५ रन बनाई अविजित रहे । उनले ५ चौका र १ छक्का प्रहार गरे ।
पूर्वकप्तान स्टिभ स्मिथले ७० बलमा ६९ र डेविड वार्नरले ८४ बलमा ५६ रन बनाए । स्मिथले ५ चौका र १ छक्का प्रहार गरे । भारतका जस्प्रित बुमराह र भुवनेश्वर कुमारले ३–३ तथा युजभेन्द्र चहलले २ विकेट लिए ।

स्कोर कार्ड

भारत
३६ रनले विजयी

भारत
५० ओभर ३५२/५
शिखर धवन–११७
विराट कोहली–८२
रोहित शर्मा–५७

मार्कुस स्टोइनिस २/६२
प्याट कमिन्स १/५५


अस्ट्रेलिया
५० ओभर ३१६/१०
स्टिभ स्मिथ–६९
डेभिड वार्नर–५६

भुवनेश्वर कुमार–३/५०
जस्प्रित बुमराह–३/६१
युजभेन्द्र चहल–२/६२


प्रकाशित : जेष्ठ २७, २०७६ ०८:५३
पूरा पढ्नुहोस्
प्रतिक्रिया
पठाउनुहोस्
ADVERTISEMENT