धोनीले पन्जा फेरे

धोनीले आइतबार आईसीसीको नियमअनुसार पन्जा परिवर्तन गरेका छन् । भारतले ओभलमा विश्व च्याम्पियन अस्ट्रेलियाविरुद्ध ५ विकेटको क्षतिमा ३ सय ५२ रन जोडेको थियो ।

आईसीसीले नियम उल्लंघन नगर्न निर्देश गरे पनि भारतीय क्रिकेट कन्ट्रोल बोर्ड (बीसीसीआई) तथा भारतका सञ्चारमाध्यम र सामाजिक सञ्जाल प्रयोगकर्ताले धोनीको बचाउ गरेका थिए । विश्वकपको कपडा तथा उपकरणको नियमअनुसार हरेक खेल सामग्रीमा मात्र २ उत्पादक कम्पनीको लोगो राख्ने छुट छ । साथै प्रयोग गरिएका कुनै उपकरणमा राजनीतिक वा जातीय धारणा हुनुहुँदैन । धोनी भारतको प्यारासुट रेजिमेन्टका मानार्थ लेफटनेन्ट कर्नेल हुन् ।