अर्जेन्टिना बराबरीमा रोकियो

पाराग्वेले ३७ औं मिनेटमा रिकार्डो सान्चेजको गोलले अग्रता लिएको थियो । मेसीले पेनाल्टीबाट ५७ औं मिनेटमा बराबरी गोल फर्काए । यसअघि यसै समूहको अर्को खेलमा कोलम्बियाले एसियाली च्याम्पियन कतारलाई १–० ले हरायो ।

त्यसमा डुभान जापाटाले ८६ औं मिनेटमा निर्णायक गोल गरे । यी नतिजापछि कोलम्बिया क्वाटरफाइनल पुग्ने निश्चित भएको छ । समूहका बाँकी सबै तीन टिमको नकआउट चरण पुग्ने सम्भावना कायम छ ।

पाराग्वे दुई अंकमा दोस्रो स्थानमा छ भने कतार र अर्जेन्टिनाको समान १ अंक छ । अब लिगको अन्तिम चरणको खेलमा अर्जेन्टिनाले कतारको सामना गर्नेछ । यस्तै अर्को खेलमा कोलम्बिया र पाराग्वे भिड्ने छन् ।