आयो नेपाली बजारमा साओमीको एमआइ ५एस

कान्तिपुर संवाददाता

काठमाडौं — नेपाली बजारमा साओमीले एमआइ ५एस फोन सार्वजनिक गरेको छ । विश्व बजारमा स्मार्टफोन र विभिन्न इलेक्ट्रोनिक सामग्रीको डिजाइन, उत्पादन र प्रवर्द्धन गर्दै आएको कम्पनीले नयाँ स्मार्टफोन बजारमा ल्याएको हो ।

कम्पनीले नेपाली बजारमा रुचाइएको एमआइ ब्रान्डअन्तर्गत रेडमी ४ र एमआइ सिरिजको एमआइ ५ लाई परिमार्जित गरी एमआइ ५ एस बजारमा ल्याएको जनाएको छ । सस्तो मूल्यमा गुणस्तरीय सेवा दिने रेडमी ४एमा दुई जीबी र्‍याम र १६ जीबी रोम रहेको छ । पाँच इन्चको डिस्प्ले रहेको फोनमा ३१२० एमएएचको ब्याट्री राखिएको छ । यसको बजार मूल्य १४ हजार नौ सय ९९ रहेको छ ।

यसैगरी एमआइ ५एसमा ५.१५ इन्चको डिस्प्ले छ । ४९ हजार नौं सय ९९ मूल्य रहेको फोनमा क्वालकम स्न्यापड्रयागन ८२५ प्रयोग गरिएको छ ।

मेटल बडीमा निर्मित यो फोनमा फोरजी सेवासमेत सपोर्ट गर्ने कम्पनीले जनाएको छ । यसको अल्ट्रासोनिक फिंगरप्रिन्ट सेन्सर, ३२०० एमएएच ब्याट्री, तीन जीबी र्‍याम र ६४ जीबी रोम छ । फोनमा अगाडि ४ र पछाडि १३ मेगापिक्सेलको क्यामरा राखिएको छ ।

प्रकाशित : फाल्गुन ५, २०७३ ११:३७
प्रतिक्रिया
पठाउनुहोस्
ADVERTISEMENT
ADVERTISEMENT

परराष्ट्रमन्त्री डा महतले भेटे युरोपेली आयोग अध्यक्ष जंकर

काठमाडौं — परराष्ट्रमन्त्री डा प्रकाशशरण महतले बुधबार युरोपेली आयोगका अध्यक्ष जीन-क्लड जंकरसँग ब्रसेल्सस्थित उनकै कार्यालयमा भेटवार्ता गरेका छन् ।

भेटका अवसरमा परराष्ट्रमन्त्री डा महतले नेपालको मानवीय तथा सामाजिक विकास, कृषि तथा व्यापार लगायतका क्षेत्रमा युरोपेली संघको सहयोगको स्वागत गर्दै नेपालको पूर्वाधार निर्माण र सीप विकासमा पनि उच्चस्तरको सहयोगका लागि अनुरोध गरे ।

युरोपेली संघको नेपाललाई सहयोग जारी रहने विश्वास दिलाउँदै अध्यक्ष जंकरले अनुरोध गरिएका क्षेत्रमा सहयोग बढाउने सम्भावनाबारे विचार गरिने आश्वासन दिएका थिए ।

नेपालको हवाई उडान सुरक्षामा भएको प्रगतिको परिप्रेक्ष्यमा इयूले नेपाली वायुसेनालाई लगाएको प्रतिबन्ध हटाउन पनि परराष्ट्रमन्त्री महतले अध्यक्ष जंकरलाई अनुरोध गरे । अध्यक्ष जंकरले नेपाल सरकारले उपलब्ध गराएका तथ्यमा आधारित भएर सो विषयमा सकारात्मक तरिकाले हेरिने पनि डा महतलाई आश्वासन दिलाए ।

डा महतले अध्यक्षलाई नेपालका पछिल्ला गतिविधि, संविधान संशोधन र निर्वाचनको तयारीबारे पनि जानकारी दिए । डा महतले आज लक्जेम्बर्गमा त्यहाँका प्रधानमन्त्री, विदेशमन्त्री तथा विकास सहयोगमन्त्रीसँग पनि बेग्लाबेग्लै भेटवार्ता गर्ने कार्यक्रम रहेको छ । रासस

प्रकाशित : फाल्गुन ५, २०७३ ११:३७
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT