यस्तो हुनेछ सामसङ ग्यालेक्सी एस एइट

एजेन्सी

काठमाडौं — सामसङले अबको केही समयभित्रै ग्यालेक्सी एस एइट स्मार्टफोन सार्वजनिक गर्ने तयारी गरिरहेको छ । तर, स्मार्टफोन सार्वजनिक हुनुअघि नै त्यसबारे जानकारी लिक गर्न माहिर इभान ब्लासले यसको तस्बिर ट्वीटमार्फत सार्वजनिक गरेका छन् ।

सामसङले अबको केही समयभित्रै ग्यालेक्सी एस एइट स्मार्टफोन सार्वजनिक गर्ने तयारी गरिरहेको छ ।

तर, स्मार्टफोन सार्वजनिक हुनुअघि नै त्यसबारे जानकारी लिक गर्न माहिर इभान ब्लासले यसको तस्बिर ट्वीटमार्फत सार्वजनिक गरेका छन् ।

उनले तस्बिरलाई सत्य मान्ने हो भने ग्यालेक्सी एस एइटमा फिजिकल बटन हुने छैन् र यसको स्क्रिन ग्यालेक्सी एस सेभेन एजको जस्तै छ । ब्लासको लिकमा अन्य जानकारी समावेश छैन् ।

ग्यालेक्सी नोट सेभेन पड्किने समस्या देखिएर बिक्री बन्द गर्नुपरेपछि सामसङ ग्यालेक्सी एस एइट लञ्च गर्न हतारिएको छ ।

प्रकाशित : फाल्गुन २१, २०७३ १४:२७
प्रतिक्रिया
पठाउनुहोस्
ADVERTISEMENT
ADVERTISEMENT

सुर्खेत क्याम्पस (शिक्षा)मा अनेरास्ववियुको वर्चश्च

प्रकाश अधिकारी

सुर्खेत — मध्यपश्चिमकै ठूलो मानिने वीरेन्द्रनगरस्थित सुर्खेत क्याम्पस (शिक्षा)मा अनेरावस्ववियुले कोषाध्यक्षबाहेक सबै पदमा जित हात पारेको छ । सभापतिमा अनेरास्ववियुका चक्रबहादुर शाहीले अखिल (क्रान्तिकारी)का महेश जीसीलाई १२ मत अन्तरले पराजित गरे । सचिवमा शाही प्यानलकै हिक्मत बस्नेत विजयी भए ।

मध्यपश्चिमकै ठूलो मानिने वीरेन्द्रनगरस्थित सुर्खेत क्याम्पस (शिक्षा)मा अनेरावस्ववियुले कोषाध्यक्षबाहेक सबै पदमा जित हात पारेको छ ।

सभापतिमा अनेरास्ववियुका चक्रबहादुर शाहीले अखिल (क्रान्तिकारी)का महेश जीसीलाई १२ मत अन्तरले पराजित गरे । सचिवमा शाही प्यानलकै हिक्मत बस्नेत विजयी भए । मतदान बुधबार भए पनि विद्यार्थी संगठनको अवरोधका कारण शुक्रबार बिहानदेखि गणना सुरु भएको थियो । यहाँ १८ सय ५७ मतदातामध्ये ११ सय ७० मत खसेको थियो ।

निर्वाचन समितिका संयोजक दीपक सापकोटाका अनुसार सभापतिमा विजयी शाहीले तीन सय ८७ र उनका प्रतिद्वन्द्वी महेश जीसीले तीन सय ७५ मत ल्याए । नेविसंघ भने सबै पदमा तेस्रो स्थानमा खुम्चिएको छ । संघका तर्फबाट सभापतिमा राजकुमार सिजापतिले दुई सय ७४ मत ल्याए । २०६० सालदेखि यताका स्ववियु निर्वाचनमा यस क्याम्पसमा अनेरास्ववियुले विजय हासिल गर्दै आएको छ ।

यहाँका अन्य दुई सामुदायिक क्याम्पस अनेरास्ववियु विजयी भएको छ । हिमशिखर क्याम्पस रामघाटमा रमेश शर्मा र अमरदीप क्याम्पस नेवारेमा हरि देवकोटा विजयी भए । पश्चिम सुर्खेतको विद्यापुरस्थित जनता बहुमुखी क्याम्पसमा नेविसंघका पुरन रावल, गुमीस्थित भेरी शिक्षा क्याम्पसमा अखिल (क्रान्तिकारी)का रिकबहादुर विक विजयी बने । यहाँका सिम्ता बहुमुखी र गुर्भाकोट क्याम्पसमा अझै निर्वाचन हुन सकेको छैन ।

प्रकाशित : फाल्गुन २१, २०७३ १४:२७
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT