आइफोन ८ र ८ प्लस सार्वजनिक, यस्ता छन् विशेषता

एजेन्सी

न्युयोर्क — पाँच महिने लामो हल्लालाई सत्य सावित गर्दै एप्पलले यसै मंगलबार राति आफ्नो नयाँ उत्पादन सार्वजनिक गरेको छ । एप्पलले आइफोन ८ र ८ प्लस सार्वजनिक गरेको छ । पहिलो आइफोन सार्वजनिक भएको १० वर्ष पुगेको उपलक्ष्यमा यसले प्रयोगकर्तालाई सप्राइज पनि दिएको छ । त्यो हो- आइफोन X अर्थात् टेन ।

यो सप्राइजसँगै अब एप्पलले आइफोन ९ नल्याउने भएको छ ।

एप्पलका प्रमुख कार्यकारी अधिकृत टिम कुकले नयाँ फोन सार्वजनिक गर्दै आइफोन ८ र ८ प्लसलाई अहिलेको उत्कृष्ट फोनको संज्ञा दिएका छन् । उनले आइफोन टेनलाई भविष्यको प्रविधि बताएका छन् । यहीसँगै एप्पलले आइवाच थ्री र नयाँ एप्पल टिभी पनि सार्वजनिक गरेको छ । आइवाचले सिरीसहित फोरजी पनि सपोर्ट गर्छ ।

आइफोन ८ र ८ प्लस
यी दुवै फोनमा फोनमा आइफोन सेभेन र सेभेन प्लसकै विशेषतालाई सुधारिएको छ । यी फोनको नयाँ विशेषता भनेको यसमा वायरलेस चार्जिङ छ । जुन यसअघिका आइफोनमा थिएनन् । आइफोन ८ को स्क्रिन ४ दशमलव ७ इन्च छ भने ८ प्लसमा ५ दशमलव ५ इन्च रहेको छ ।

दुवै फोनमा होम बटन र टस आइडी राखिएको छ । दुवै फोनमा ट्रु टोन फिचरले फोनको कलरलाई बाहिरी प्रकाशसँग एड्जस्ट गर्नेछ ।

दुवै फोनमा ए एलेभेन बायोनिक प्रोसेसर प्रयोग गरिएको छ जुन अघिल्लो ए टेन प्रोसेसर भन्दा छिटो काम गर्न सक्नेछन् । यसमा सिक्स कोर सिपीयू प्रयोग गरिएको छ । आइफोन ८मा अप्टिकल इमेज स्टेबलाइजेसनसहितको १२ मेगापिक्सेलको क्यामेरा छ भने ८ प्लसमा १२ मेगापिक्सेलको दुई क्यामेरा छन् ।

दुवै फोन ६४ जिबी र २५६ जिबी मोडलमा उपलब्ध हुनेछन् । सेप्टेम्बर १५ देखि बुकिङ सुरु हुने यी फोनहरु सेप्टेम्बर २२ देखि डेलिभर हुने कम्पनीले जनाएको छ ।

आइफोन टेन
आइफोन टेनलाई एप्पलका प्रमुख टिम कुकले भविष्यको स्मार्टफोनको संज्ञा दिएका छन् ।

एप्पलले आइफोन टेनमा केही नयाँपन दिएको छ । जस्तो : अघिल्ला आइफोनजस्ता यसमा अनलक गर्नको लागि फिंगरप्रिन्ट नभएर फेसआइडी प्रयोग गरिएको छ । यो प्रविधिले फोन लक भएको बेलामा समेत प्रयोगकर्ताको मुहारलाई चिनेर स्लाइड गर्नासाथ अनलक हुन्छ ।

फेस आइडी प्रविधि फिंगर प्रिन्टभन्दा कयौं गुणा सुरक्षित रहने कम्पनीको दाबी छ । यसले आइफोन लक गर्नबाहेक अन्य थर्ड पार्टी एपको लागि पनि काम गर्नेछ ।

५.८ इञ्चको ओएलइडी डिस्प्ले भएको यो फोनको डिस्प्लेलाई सुपर रेटिना डिस्प्ले भनिन्छ। यसले एचडीआरसमेत सपोर्ट गर्छ।

यसमा २१ मेगापिक्सेलको दुवईवटा रेअर क्यामेरा प्रयोग गरिएको छ । यसले प्रयोगकर्ताको हाउभाउ अनुसार तत्काल इमोजी बनाउन सक्नेछ । फ्रन्ट क्यामेरामा पनि पोट्रेट मोड राखिएको छ । आइफोन टेन ६४ जिबी र २५६ जिबी मोडलमा उपलब्ध हुनेछ ।

आइफोन टेन भने अक्टोबरमा मात्र किन्नेहरुको हातमा पर्नेछ।

प्रकाशित : भाद्र २८, २०७४ ११:००
ADVERTISEMENT
प्रतिक्रिया
पठाउनुहोस्

आगलागीबाट ३ लाखको क्षति

छोटकरी
कान्तिपुर संवाददाता

सल्यान — बन्गाड कुपिन्डे नगरपालिका ७ घाँजरीपिपल, डोप्केमा मंगलबार बिहान रमेश चन्दको घरमा आगलागी हुँदा ठूलो मात्रामा धनमालको क्षति भएको छ ।

बालबालिकाले आगो बालेर मकै पोल्दा खरको छानामा आगो लागेको थियो ।

आगजनीका कारण घरमा भएको अन्नपात, लत्ताकपडा, भाँडाकुँडासहित करिब ३ लाखको धनमाल जलेर नष्ट भएको स्थानीय रवीन्द्र शाहीले बताए । चन्दको परिवार छिमेकीको घरमा आश्रय लिएर बसिरहेको छ ।

प्रकाशित : भाद्र २८, २०७४ ११:००
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT