ओपोको एफफाइभ सिक्स जीबी रेड एडिसन
काठमाडौं — ओपोले एफफाइभ सिक्स जीबी रेड एडिसन नेपाली बजारमा ल्याएको छ । ओपो एफफाइभ सिक्स जीबी फेसनेबल रातो रङमा उपलब्ध हुनुका साथै यसमा अझ बढी सञ्चय क्षमता, ६ जीबी र्याम र ६४ जीबी रोमसहितको उत्कृष्ट प्रोसेसर जडान गरिएको जारी विज्ञप्तिमा उल्लेख छ ।
फोनमा ६ इन्चको पूर्ण एचडी फुल स्क्रिन डिस्प्ले जडान गरिएको कम्पनीले जनाएको छ । कम्पनीका अनुसार एफफाइभ सिक्स जीबी रेड एडिसनको मूल्य ४४ हजार ९ सय ९० रुपैयाँ निर्धारण गरिएको छ । केही दिनअघि मात्रै कम्पनीले एफफाइभ सिक्स जीबीको ब्ल्याक एडिसन र एफफाइभ युथ सार्वजनिक गरेको थियो ।
प्रकाशित : मंसिर २६, २०७४ ०९:०६