गुगल सर्चमा सेलिब्रिटीको उत्तर

कान्तिपुर संवाददाता

काठमाडौं — कुनै सेलिब्रिटीका बारेमा केही खुल्दुली छ भने गुगल सर्चमा खोज्नु पुरानो शैली भइसक्यो । गुगल सर्चमा भेटिने धेरै लिंकमा त्यसका उत्तर हुन सक्छन् । तर, जुन सेलिब्रिटीका बारेमा प्रश्न सोधिएको हो, उसैले भिडियोमार्फत उत्तर दिए के होला ?


गुगलले आफ्नो सर्च इन्जिनमा यस्तै फिचर सुरु गरेको छ । तत्कालका लागि यो फिचर एन्ड्रोइडका लागि मोबाइल एप र आईओएस डिभाइसका लागि एप र मोबाइल ब्राउजर दुवैमा उपलब्ध छ । 
अहिले भारतीय कलाकार प्रियंका चोपडा, विल फेरेलसहित ११ सेलिब्रिटीलाई धेरैजसो सोधिने प्रश्नको उत्तर भिडियो सेल्फीमा राखिएको छ, जसमा सेलिब्रिटी आफैंले भिडियोमार्फत उत्तर दिएका छन् । भविष्यमा यो फिचर डेस्कटप ब्राउजरमा पनि उपलब्ध हुने गुगलले जनाएको छ ।

 

प्रकाशित : मंसिर २९, २०७४ १०:२२
प्रतिक्रिया
पठाउनुहोस्

ग्रुपमै प्राइभेट च्याट

कान्तिपुर संवाददाता

काठमाडौं — ह्वाट्सएपले ग्रुप च्याटमा पनि व्यक्तिगत रूपमा च्याट मिल्ने फिचरसहितको नयाँ अपडेट ल्याउने भएको छ । यसले प्रयोगकर्तालाई ग्रुप च्याटमा कुराकानी गरिरहेका बखत कुनै व्यक्तिसँग छुट्टै च्याट गर्ने सुविधासमेत दिनेछ ।


साथै, ह्वाट्सएपले भिडियो कल गरिरहँदासमेत म्यासेजमा कुरा गर्न मिल्ने सुविधा पनि थप्दैछ । एन्ड्रोइडका लागि नयाँ आउने अपडेटमा च्याटमा कुनै आपत्तिजनक शब्द प्रयोग गरे तत्काल रिपोर्ट गर्न मिल्ने सुविधा पनि हुने विबेटाइन्फोले जनाएको छ । विबेटाइन्फो ट्वीटर ह्यान्डल हो जसले ह्वाट्सएपमा आउने अपडेटको पूर्वजानकारी दिने गर्छ ।

प्रकाशित : मंसिर २९, २०७४ १०:२२
पूरा पढ्नुहोस्
प्रतिक्रिया
पठाउनुहोस्