यी हुन धेरै नाफा बटुल्ने स्मार्टफोन

सन् २०१७ को पहिलो चार महिनाको कारोबारको आधारमा काउण्टर पार्क नामक अनुसन्धान कम्पनीले तयार गरेको एक रिपोर्टमा भनिएको छ– स्मार्टफोन बजारको कूल नाफाको ९० प्रतिशत १० स्मार्टफोनले कमाए । ती स्मार्टफोन कुनकुन हुन् ?

उक्त रिर्पोटअनुसार फोन बेचेरै धेरै नाफा कमाउने कम्पनी एप्पल हो । एप्पलको आइफोन एक्स विश्वको सबैभन्दा बढी नाफा कमाउने फोन हो । यसले स्मार्टफोन उद्योगको कूल नाफाको ३५ प्रतिशत एक्लैले कमाउँछ । सन् २०१७ को पहिलो चौमासिकको प्रतिवेदन बनाइरहदा यो फोन बजारमा आएको दुई महिना मात्र भएको थियो ।

धेरै नाफा कमाउने फोनको दोस्रो नम्बरमा पर्छ–आइफोन एट । यसले विश्व बजारको १९ दशमलव १ प्रतिशत नाफा एक्लौटी कमाउँछ । एप्पलले आइफोन एट, आइफोन एट प्लस र आइफोन एक्स सन् २०१७ मा सँगै बिक्री सुरु भएको हो ।

१५ दशमलव २ प्रतिशत हिस्सासहित एप्पलकै आइफोन एट प्लस धेरै नाफा कमाउने फोनको तेस्रो स्थानमा छ ।

एप्पलको सन् २०१६ मा सार्वजनिक गरेको आइफोन सेभेन चौथो स्थानमा छ । यो फोनले कूल नाफाको ६ दशमलव २ प्रतिशत हिस्सा ओगटेको छ ।

एप्पलको ठूलो डिस्प्ले भएको आइफोन सेभेन र सेभेन प्लस ५ औँ नाफामूलक स्मार्टफोन मोडल हुन् । यी फोनले कूल नाफाको ५ प्रतिशत हिस्सा ओगट्छन् ।

छैटौं स्थानमा सामसुङ कम्पनीको नोट एट छ । यसले स्मार्टफोन उद्योगको कूल नाफाको ३ दशमलव ९ प्रतिशत हिस्सा ओगटेको छ ।

सातौं स्थानमा आइफोन सिक्स छ । यो फोनले बजारको कूल नाफाको १ दशमलव ८ प्रतिशत नाफा एक्लैले कमाउँछ ।

सामसुङ कम्पनीको एस एट प्लस धेरै नाफा कमाउने स्मार्टफोनको सूचीमा आठौं नम्बरमा छ । यसको नाफा स्मार्टफोन बजारको कूल नाफाको १ दशमलव ७ प्रतिशत छ ।

आइफोन सिक्स एस नवौं स्थानमा छ । सन् २०१५ मा सार्वजनिक भएको यो फोनले कूल नाफाको १ दशमलव ६ प्रतिशत हिस्सा ओगटेको छ ।

एप्पलको सानो स्क्रिन भएको आइफोन र आइफोन एसई पनि धेरै नाफा कमाउने स्मार्टफोन हुन् । यो सूचीको दशौं स्थानमा छ । यी फोनले बजारको कूल नाफाको शून्य दशमलव ९ प्रतिशत नाफा कमाउँछन् ।