यस्तो छ सामसङ जे-८ का विशेषता

फोनमा प्रयोग गरिएको आर्टिफिसियल इन्टिलिजेन्सको माध्यमबाट अगाडिको फोटो तथा ब्याक ग्राउण्ड तस्बिरलाई सहजै छुट्याउन सकिने कम्पनीद्वारा जारी विज्ञाप्तिमा उल्लेख छ ।

फोनमा लाइभ फोकस तथा च्याट ओभर भिडियो जस्ता फिचर प्रयोग गरिएको छ । लाइभ फोकसबाट ब्याकग्राउण्ड फोटो खिच्नु अगाडि वा खिचिसकेपछि ब्लर बनाउन सकिन्छ भने च्याट ओभर भिडियोको मद्दतले प्रयोगकर्ताहरु भिडियो हेर्दै गर्दाको अवस्थामा पनि च्याट गर्न सक्ने कम्पनीले जनाएको छ ।

यो फोनको नेपाली मूल्य ३३ हजार चार सय ९० तोकिएको छ । निलो,कालो तथा गोल्ड कलरमा उपल्ब्ध यो फोन सामसङका सबै रिटेल पसलहरुमा पाइने आइएमविजका प्रमुख प्रणयरत्न स्थापितले बताए ।

फोनमा इन्फिनिटी डिस्प्लेको अनुभवलाई अझ बढी प्रभावशाली बनाउनका लागि फिजिकल होट बाटनको साटोमा सफ्टवेयर पावर्ड इन डिस्पले होम राखिएको छ । फिङ्गर प्रिन्टबाट फोनलाई लकअनलक गर्ने सुविधा उपलब्ध भएको कम्पनीले जनाएको छ ।

६ इन्च एचडी प्लस डिस्प्ले भएको यो फोनमा १६ मेगापिक्सललको रियर सुटरका साटमा १.७ अपर्चर तथा ५ मेगापिक्सलको साथ १.९ अपर्चर क्यामेरा छ ।

सामसङ जे–८ मा ४ जीबी र्‍याम र ६४ जीबी रोम छ ।