अन्तरिक्षमा घुम्न जाने हाे ? तयार हुँदैछ 'स्टारसिप'

कान्तिपुर संवाददाता

काठमाडौँ — मानिसलाई अन्तरिक्ष भ्रमण गराउने रकेटको 'फर्स्ट लुक' सार्वजनिक भएको छ । मान्छेलाई मंगल ग्रहमा लैजाने महत्वकांक्षी योजना बोकेका अमेरिकी रकेट निर्माता कम्पनी स्पेश एक्सका सीईओ एलोन मस्कले रकेटको 'प्रोटोटाइप' सार्वजनिक गरेका हुन् ।

उक्त रकेटको नाम स्टारसिप रहेको छ। रकेटको परीक्षण उडान गर्ने तयारी भइरहेको मस्कले जनाएका छन्। स्टिल कलरमा पेन्ट गरिएको उक्त रकेटले कुनै दिन मानिसलाई पृथ्वीबाट चन्द्रामा र चन्द्रामादेखि मंगल ग्रहमा लैजाने बताइएको छ।

रकेटको पहिलो टेस्ट फ्लाइट केही सातामा अमेरिकाका टेक्सास राज्यमा हुने बताइएको छ। मस्कले आफ्नो ट्विवटरमा रकेटको तस्बिर राख्दै भनेका छन्, 'टेस्ट फ्लाइटका लागि स्टारसिप स्पेश एक्सको लन्चिङ् साइटमा तयारी अवस्थामा छ। 'रकेट 'सव अर्बाइटल भीटीओल टेस्ट'का लागि तयार भएको छ र 'अर्बाइटल भर्सन' केही ठूलो हुने मस्कले बताएका छन्।

फिजिक्स डट ओरजीले भविष्यमा यही मोडलको रकेटले मानिसलाई बोक्ने भएपनि मस्कले सार्वजनिक गरेको प्रोटोटाइप केही छोटो रहेको जनाएको छ। यो रकेटलाई वायुमण्डलमा सयौँ किलोमिटर परीक्षण उडान गराएपछि पृथ्वीमा अवतरण गराइने बताइएको छ।

स्पेश एक्स अन्तरिक्षयात्रीहरुलाई चाहिने आवश्यक सामग्रीहरु अन्तर्राष्ट्रिय अन्तरिक्ष केन्द्रमा आपूर्ति गर्दै आएको छ। उसको फल्कोन-९ र ड्रागन कार्गो क्यापसुलबाट सामाग्रीहरु इन्टरनेशनल स्पेश स्टेशनमा लैजाने गरेको छन्।

प्रकाशित : पुस ३०, २०७५ १६:०२
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

निगमको बोइङ ‘गण्डकी’ नेपाल ल्याइँदै, बिक्रीको तयारी

रासस

काठमाडौँ — मर्मतका लागि ५८ दिनदेखि मलेसियामा रहेको नेपाल वायुसेवा निगमको बोइङ ‘गण्डकी’ भोलि मङ्गलबार नेपाल ल्याइने भएको छ ।

निगमको इन्जिनियरिङ विभागले कलसाइन नाइनएन एसिबी ७५७ बोइङको थर्मल ब्ल्याङ्केटमा समस्या आएको भन्दै मर्मतका लागि क्वालालम्पुर पठाएको थियो । मर्मतका क्रममा सि–डक्टमा पनि समस्या आएपछि मर्मतका लागि थप समय लागेको निगमका सहायक प्रवक्ता नवराज कोइरालाले जानकारी दिए ।

उनका अनुसार बोइङ ल्याउन चालक दलका सदस्य (क्रू मेम्बर) हिजो आइतबार मलेसिया गएका छन् । अमेरिकाबाट सिपिङमार्फत सि–डक्ट ल्याएर जडान गर्दा फिट नभएपछि गत साता मलेसियामा पुनः अर्को सि–डक्ट ल्याएर फिट गरिएको थियो ।

“बोइङको पुरै मर्मत भइसकेको छ, सि–डक्ट पनि परिवर्तन गर्नुपर्ने भएकाले मर्मतका लागि बढी समय लागेको हो, बोइङ भोलि नेपाल फर्किंदैछ”, सहायक प्रवक्ता कोइरालाले भने ।

निगमले उक्त बोइङ बिक्री गर्ने तयारी गरेको छ । बिक्री नभइन्जेल उडान गर्ने योजना बनाएको छ । जहाज बिक्रीका लागि निगमले मूल्य निर्धारण गरी कागजात मन्त्रालय पठाएको छ । वाइड बडी विमान खरीद प्रकरणको विषयले जहाज बिक्रीमा पनि कठिनाइ भएको निगमका अधिकारी बताउँछन् ।

निगमका निर्देशक रवीन्द्र श्रेष्ठले बोइङ बिक्रीका लागि मूल्य निर्धारण भइसकेको र सैद्धान्तिक सहमतिका लागि मन्त्रालय पठाइएको जानकारी दिए । तर, वाइड बडीको विवादित विषयले अब उक्त काममा पनि व्यवधान खडा भएको उनको भनाइ छ ।

“दुई महिनादेखि बोइङ ममर्तका लागि मलेसियामा छ । बिक्रीका लागि आर्थिक मूल्याङ्कन भइसकेको छ । ‘भ्यालुएसन’ भइसक्यो, यो पनि ‘कन्डिशनल’ छ, सात करोड ६० लाख डलर मूल्य पुग्छ', निर्देशक श्रेष्ठले भने ।

सानो वायुसेवा कम्पनीले वाइड बडी, बोइङजस्ता थरीथरीका जहाज राख्दा प्राविधिक तथा व्यवस्थापकीय जटिलता हुने र सबैको अलगअलग इञ्जिनीयर पाइलटको व्यवस्था गर्नुपर्ने भएकाले बोइङ बिक्री गर्न लागिएको निगमको भनाइ छ ।

बोइङको इञ्जिन ‘साइकल’ अझै बाँकी रहेका कारण मर्मत गरेर उडान गर्ने योजना निगमको छ । जहाज मर्मतका लागि करिब अढाइ करोड रुपैयाँ लागत अनुमान गरिएको छ । निगमले बोइङ बिक्रीका लागि आर्थिक मूल्याङ्कन गर्न दुई महिनाअघि स्विट्जरल्याण्डको फिन्टेक कम्पनीलाई परामर्शदाता नियुक्त गरेको थियो ।

निगमले सन् १९८७ सेप्टेम्बर १९ तारिखमा ‘कर्णाली’ खरिद गरेको थियो भने दोस्रो बोइङ ‘गण्डकी’ सन् १९८८ सेप्टेम्बर १ तारिखमा ल्याएको थियो । कलसाइन नाइनएन एसिए ७५७ बोइङ कर्णालीलाई निगमले बिबिएयरलाई एक वर्षअघि बिक्री गरिसकेको छ । हाल निगमका दुईवटा न्यारो बडी र दुईवटा वाइड बडी जहाजले भारतको नयाँ दिल्ली, बेङ्गलोर, मुम्बई, मलेसिया, सिङ्गापुर, बैङ्कक र कतारमा उडान भर्दै आएको छ ।

प्रकाशित : पुस ३०, २०७५ १५:४४
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT