पृथ्वी नजिकैबाट गयो आकशीय पिण्ड, ठूलो दुर्घटना टर्‍यो

एजेन्सी

काठमाडौँ — सय तलाको भवनभन्दा ठूलो एउटा आकशीय पिण्ड पृथ्वीमा झर्ने खतरा हालका लागि टरेको छ । वैज्ञानिकहरु यो पिण्ड पृथ्वीमा खस्ने सक्ने भन्दै चिन्तित थिए । यो पीण्ड आइफल टावरभन्दा ठूलो थियो । 

१० हजार ४ सय माइल प्रति घण्टाको दरले अन्तरिक्षमा घुमिरहेको उक्त आकशीय पिण्ड शनिबार पृथ्वी नजिकैबाट गएको हो। पृथ्वीदेखि ४.६ मिलियन माइलको दूरीमा हुँदै उक्त पिण्ड आफ्नो कक्षमा गएको थियो। यो ४.६ मिलियन माइल दूरी अन्तरिक्षमा धेरै नजिकको हो।भिडियो फुटेजमा १.८६० किलोमिटर व्यास भएको उक्त आकशीय पीण्ड पृथ्वीको नजिक हुँदै गएको थियो।

यो आकशीय पिण्डको नाम २००६ क्यूक्यू२३ (2006 QQ23)रहेको छ। सन् २००६ को अगस्टमा यो पिण्डको पहिचान भएको थियो।

यो घटनापछि विश्वका वैज्ञानिकहरुले पृथ्वी धेरै ठूलो दुर्घटनाबाट जोगिएको बताएका छन्। उनीहरुले यदि उक्त आकशीय पिण्ड पृथ्वीमा ठोक्किएको भए त्यसको प्रभाव कुनै आणविक बमभन्दा ५ सय गुणा बढीले हुने द सन्डे एक्सप्रेसले उल्लेख गरेको छ।

अमेरिकी अन्तरिक्ष संस्था (नासा)का अनुसार उक्त पिण्ड पृथ्वमा खस्दा एउटा सहरलाई पुरै ध्वस्त पारिदिन्थ्यो। यसको असरले कम्तीमा १३ लाख मानिसहरुको ज्यान जान सक्ने नासाले उल्लेख गरेको छ।

नासका निर्देशकसमेत रहेका जिम ब्रिडेन्साटाइनले यस्ता आकशीय पिण्ड पृथ्वीमा खस्न सक्ने खतराहरुको बारेमा यसअघि नै आफूहरुले सचेत गराएको बताएका छन्।

आकशीय पिण्डहरु पृथ्वीमा ठोक्किँदा प्रलय गएको इतिहास छ। ६ करोड ६० लाख वर्ष अघि आकशीय पिण्ड खसेकै कारण पृथ्वीमा महाप्रलय गएको थियो। जसका कारण डाइनोसोर जस्ता जीवहरु हराएर गए।

आकशीय पिण्ड पृथ्वीमा ठोक्किन सक्ने जोखिमलाई मध्यनजर गर्दै नासाले पछिल्लो समयअनुसन्धान गरिरहेको छ।

प्रकाशित : श्रावण २६, २०७६ १६:१८
प्रतिक्रिया
पठाउनुहोस्
ADVERTISEMENT

जनजाति महासंघका उपाध्यक्षसहित १९ आन्दोलनकारी पक्राउ [तस्बिरहरु]

तस्बिर : इलिट जोशी

काठमाडौँ — 'आरक्षण बचाऔं आन्दोलन' को अगुवाईमा आइतबार सिंहदरबार घेर्न पुगेका केही आन्दोलनकारीलाई प्रहरीले हस्तक्षेप गरी पक्राउ गरेको छ । मध्यान्ह सिंहदरबारको पश्चिम गेट भद्रकालीमा धर्ना सहभागीमध्ये १९ जना पक्राउ परेका हुन् ।

भद्रकालीबाट सिंहदरबारतर्फ अघि बढ्ने क्रममा प्रहरीले हस्तक्षेप गरी आफूहरुलाई पक्राउ गरेको नेपाल आदिवासी जनजाति महासंघका उपाध्यक्ष गोविन्द छन्त्यालले जानकारी दिए । उनका अनुसार दलित गैसस महासंघ अध्यक्ष भक्त विश्वकर्मा, संघीय लोकतान्त्रिक राष्ट्रिय मञ्च अध्यक्ष कुमार लिङ्देन, लिम्बुवान राष्ट्रिय समिति (समाजवादी पार्टी) का अध्यक्ष खगेन्द्र माखिम, समाजवादी पार्टीका नेता दलमर्दन कामी लगायत पक्राउ परेका छन् । उनीहरुलाई नेपाल पुलिस क्लबमा राखिएको छ ।

धर्नास्थलबाट पक्राउ परेकालाई छुटाउन माग गर्दै पुलिस क्लब अगाडि नाराबाजी गर्ने केही आन्दोलनकारीलाई पनि प्रहरीले नियन्त्रणमा लिएको छ । स्थानीय तहमा कर्मचारी पदपूर्तिका लागि लोक सेवा आयोगले गरेको विज्ञापन खारेजीको माग गर्दै आदिवासी जनजाति, महिला, दलित र पछाडि परेका समुदायले 'आरक्षण बचाऔं आन्दोलन' नाममा चरणबद्ध आन्दोलनमा छन् । आइतबार सिंहदरबारसहित प्रदेश मुख्यमन्त्री कार्यालयहरू, लोक सेवा कार्यालयहरूमा धर्ना कार्यक्रम राखिएको थियो ।


प्रकाशित : श्रावण २६, २०७६ १६:१२
पूरा पढ्नुहोस्
ADVERTISEMENT
प्रतिक्रिया
पठाउनुहोस्