बाटो राम्रो छेउछाउको हिउँले

पुरुषोत्तम सुवेदी

काठमाडौं — वरिपरि डाँडाकाँडामा हिउँ परेपछि चरिकोट अझ सुहाइलो देखिन्छ, बुलाकी लगाएकी महिलाजस्तै । कालिञ्चोक र शैलुङ क्षेत्रतिर सोमबार अपरान्हदेखि हिउँ खस्न थालेपछि उक्त सानो पहाडी सहरको वातावरण रमाइलो भएको थियो । तर हिउँ देख्नेका लागि जति रमाइलो हो भोग्नेका लागि त्यति नै कष्ट पनि । हिमाली भेगका जनताका लागि हिउँ आफैंमा कहर हो ।

Yamaha

मंगलबार राजधानी फर्कने क्रममा यो दु:ख पनि भोगियो । बोचबाट गाडी अलि के उकालिएको थियो, रातिको हिमपातका कारण बाटो भासिएकाले दुई घण्टा जाममा फसियो । जाम खुलेपछि पनि खरिढुंगादेखि मुडेसम्म गाडी आफ्नो गतिमा हिँड्न सकेन ।

हिउँमा चिप्लने भयले चालकले बिस्तारै हाँके । बाटो वरपर बाक्लै हिउँ जमेको थियो । सडकमा पनि राम्ररी पग्लिएको थिएन । जेहोस्, हिउँले सेताम्मे खरिढुंगा क्षेत्रको दृश्य सुन्दर देखिन्थ्यो । राजमार्गका यात्रुहरू रमाइरहेका थिए । गाडी रोकेर हिउँ खेल्न निक्लिएका थिए उनीहरू । आखिर हिमालको देशका सबैले सँधै हिउँ खेल्न कहाँ पाउँछन र !

Esewa Pasal

प्रकाशित : पुस १९, २०७३ १८:१५
ADVERTISEMENT
प्रतिक्रिया
पठाउनुहोस्

फुरुरु हिउँ पर्‍यो तेह्रथुम लेकैमा

चन्द्र कार्की

तेह्रथुम — तेह्रथुमको माथिल्लो क्षेत्रमा आज अपरान्हदेखि हिमपात सुरु भएको छ । वर्षासँगै हिमपात सुरु भएपछि माथिल्लो क्षेत्रको जनजीवन प्रभावित भएको छ । जिल्लाको पर्यटकीय क्षेत्र चित्रे, नुनथला, पटेकडाँडा, तीनजुरे, मंगलबारे, गुफा, मिल्के लगायतका क्षेत्रमा अहिले हिउँ परीरहेको छ ।

तेह्रथुमको माथिल्लो क्षेत्रमा आज अपरान्हदेखि हिमपात सुरु भएको छ । वर्षासँगै हिमपात सुरु भएपछि माथिल्लो क्षेत्रको जनजीवन प्रभावित भएको छ ।

जिल्लाको पर्यटकीय क्षेत्र चित्रे, नुनथला, पटेकडाँडा, तीनजुरे, मंगलबारे, गुफा, मिल्के लगायतका क्षेत्रमा अहिले हिउँ परीरहेको छ । संखुवासभाको चौकी बजारमा पनि बाक्लो हिउँ परीरहेको स्थानीय उदय कुमार तामाङले बताए ।

बजारसहित आसपासका लेकाली वस्तीमा पानी सँगै बाक्लो हिउँ परीरहेकाले स्थानीयहरु घर बाहिर निस्कन सकेका छैनन् । तीनजुरे मिल्के जलजले क्षेत्रमा पनि बाक्लो हिउँ परीरहेको छ । एक्कासी हिउँ परेकाले लेकाली क्षेत्रका जंगलमा रहेका चौंरी तथा भेडी गोठहरु औल क्षेत्रमा झार्न नपाएको नुनढाकीका लाक्पा तामाङले बताए ।

कोशी राजमार्गको सिधुवादेखि चित्रेसम्मको सडकमा बाक्लो हिउँ जमेकाले सवारी आवागमन अवरुद्ध भएको जिल्ला ट्राफिक प्रमुख भिम कटुवालले बताए । हिउँमा सवारी चिप्लीने भएकाले होसीयारी पूर्वक सवारी चलाउन चालकलाई ट्राफिक प्रहरीले सुझाव दिईरहेको छ । सडकमा हिउँ जमेपछि पूर्वी तराईदेखि आएका सवारी साधनबिच बाटैमा रोकीएका छन् ।

प्रकाशित : पुस १९, २०७३ १८:०६
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT