किरातकालदेखि नै चल्दै आएको मेला

प्रशान्त माली

ललितपुर — हिन्दु धर्मावलम्बीहरुले सोमबार जनैपूर्णिका दिन कुम्भेश्वरको मन्दिरमा पुजाअर्चना गरेर मनाएका छन् । यसपाली जनैपूर्णिमामा चन्द्रग्रहण परेकाले १३ गते शुक्रबार नागपञ्चमीका दिन नै रक्षाबन्धन गरिएको थियो ।

जनैपूर्णिका दिन पाटनको बंगलामुखीमा भव्य मेला लागेको छ । मेलाको लागि आइतबार नै कुम्भेश्वर मन्दिरबाट पञ्चमुखी महादेवको मूर्तिलाई मन्दिर परिसरको पोखरीमा बनाइएको  कलात्मक खटमा राखिएको थियो ।

कुम्भेश्वरमा गोसाइकुण्ड (शिवलुती), मणिचूड दहबाट पानी आइराखेको जनविश्वास छ । प्राचिनकालमा कुम्भ ऋषीले तपस्या गरेकाले उनकै नामबाट कुम्भेश्वर नामले प्रसिद्ध भएको उक्त तीर्थस्थलमा गोसाइकुण्ड जान नसकेकाहरूले स्नान गरेर महादेवको पूजा अर्चना गर्दछन् ।

प्रकाशित : श्रावण २३, २०७४ १९:२३
ADVERTISEMENT
प्रतिक्रिया
पठाउनुहोस्
ADVERTISEMENT

अनसन १५ औं दिनमा– डा. केसीको स्वास्थ्य स्थिति खस्कँदो

अतुल मिश्र

काठमाडौं — प्रा.डा. गोविन्द केसीको स्वास्थ्य स्थिति खस्कँदै गएपछि अनसनस्थल मै भेन्टिलेटरसहितको सघन चिकित्सा कक्ष (आइसियु)मा चाहिने सबै उपकरण तयारी अवस्थामा राखिएका छन् । डा. केसी १५ दिन देखी त्रिवि शिक्षण असपताल हातामा ७ बुँदे मागसहित ११ औंपटक आमरण अनसन गरिरहेका छन् ।

अनसनस्थलमा हाल २४ घन्टा वरिष्ठ चिकित्सकलाई राखिएको जनाउँदै प्रा.डा. दिव्या सिंह शाहले त्यहाँ आइसियुमा चाहिने आवश्यक उपकरणहरु समेत तयारी अवस्थामा राखिएको बताइन् ।

अनसनस्थलमा हाल भेन्टिलेटर, मुटू एक्कासी बन्द भए विद्युतीय झड्का दिएर चलाउने मेसिन (डिफ्ब्रिलेटर) लगायतका अन्य मेसिनहरु राखिएका छन् ।

‘कुनै पनि बेला डा. केसीलाई सघन चिकित्साको आवश्यकता पर्नसक्ने भएकोले उक्त उपकरणहरु तम्तयार राखिएको हो,’ डा. शाहले भनिन्, ‘बोल्दा बाहेक हरदम उहाँलाई अक्सिजन दिई राखिएको छ ।’

हाल डा. केसीलाई बस्दा, पल्टदा समेत रिंगटा लाग्न थालेको छ । हातमा सेलाइन चढाइने ठाउँमा सुन्निएको छ । मांसपेसी बाउँडिन, छाती दुख्ने समस्या पहिलेको दाँजोमा अलि बढेको छ । शरिरमा अक्सिजन, इलेक्ट्रोलाइट, सेतो रक्त कोष, क्याल्सियम, फस्फोरस आदिकोको कमीमा समेत वृद्घि भएको छ । डा. केसकिो सिस्टोलिक रक्तचाप (माथिको) सयभन्दा कम रहने गरेको छ ।

प्रकाशित : श्रावण २३, २०७४ १९:२३
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT