तीनै दिदीभाई अन्तर्राष्ट्रिय खेलाडी

विद्या राई

काठमाडौं — भोजपुर सदरमुकामस्थित बुवा दानबहादुर र आमा मायादेवी तामाङको कोखबाट जन्मिएका सरादेवी तामाङ, नंसलदेवी तामाङ र रत्नजीत तामाङ व्याडमिन्टन खेल जगतका होनाहार हस्तीहरु हुन् ।

जुनीयर लेभलबाट खेल्न सुरु गरेका उनीहरु पटक पटक राष्ट्रिय च्याम्पियन भैसकेका छन् । अन्तरार्ष्ट्रिय स्तरमा प्रतिनिधित्व गर्नुपर्दा उनीहरुकै नाम आउने गर्छ । एकैघरका तीन दिदीभाईले देश भित्र तथा बाहिर कमाएको ख्याती व्याडमिन्टन जगतका लागि सानदार जित भएको छ । 

हालै सम्पन्न बजाज पल्सर स्पोर्टस् अवार्डबाट नंसलदेवी बर्षकै उत्कृष्ट महिला खेलाडीका रुपमा सम्मानित भइन् । खेलप्रतिको लगातार लगाव र प्रतिफल त छदैछ, छोरीले पाएको सम्मानले यतिबेला तामाङ पसरवारमा खुसी छाएको छ । 

उनीहरुले इन्डोरमा खेल्नुपर्ने व्याडमिन्टन आउटडोरबाटै सिकेर अन्तराष्ट्रिय स्तरमा नाम चम्काउन सफल भएका छन् । ०३९ सालको दशकयता भोजपुर जिल्लामा व्याडमिन्टन खेलको सुरुवात भएपनि हालसम्म यसक्षेत्रमा दर्विलो पुर्वाधार तयार हुन सकेको छैन । सरकारको उदासिनताले गर्दा पछि परेको उनीहरुका वुवा गुनासो गर्छन् । उनी पनि राष्ट्रिय स्तरसम्म पुगेका व्याडमिन्टनका भुतपुर्व खेलाडी हुन् । 

प्रकाशित : भाद्र ३०, २०७४ १५:०१
प्रतिक्रिया
पठाउनुहोस्

असी रुपैयाँ विद्युत् महसुल तिर्न दुई हजार खर्च

कान्तिपुर संवाददाता

आठराई (तेह्रथुम) — जिल्लाको पूर्वी क्षेत्रका दुई गाउँपालिकाका उपभोक्तालाई विद्युत् महसुल बुझाउन सास्ती भएको छ । रु ८० विद्युत् महसुल बुझाउन उपभोक्ताको रु दुई हजार खर्च हुने गरेको उनीहरु बताउँछन् । आठराई गाउँपालिकाको केन्द्र संक्रान्ति बजार र फेदाप गाउँपालिकाका केन्द्रीय विद्युत् लाइन विस्तार भएको छ ।

जिल्लाको पूर्वी क्षेत्रका दुई गाउँपालिकाका उपभोक्तालाई विद्युत् महसुल बुझाउन सास्ती भएको छ ।

रु ८० विद्युत् महसुल बुझाउन उपभोक्ताको रु दुई हजार खर्च हुने गरेको उनीहरु बताउँछन् । आठराई गाउँपालिकाको केन्द्र संक्रान्ति बजार र फेदाप गाउँपालिकाका केन्द्रीय विद्युत् लाइन विस्तार भएको छ ।

पायक पर्ने स्थानमा विद्युत् महसुल संकलन केन्द्र स्थापना नहुँदा यहाँका उपभोक्ता मारमा परेका छन् । आठराई र फेदापका उपभोक्ता विद्युत् महसुल बुझाउन सदरमुकाम म्याङ्लुङ बजारमा एक दिनको पैदल यात्रापछि पुग्छन् । म्याङ्लुङ बजारबाट छ किमीको दूरीमा रहेको नेपाल विद्युत् प्राधिकरणको वितरण केन्द्र जिरिखिम्तीमा पुगी महसुल बुझाउने गरेका छन् ।

यस क्षेत्रका उपभोक्तालाई पायक पर्ने स्थानमा महसुल केन्द्र स्थापना नहुँदा सास्ती र आवश्यकताभन्दा बढी खर्च हुने गरेको फेदाप गाउँपालिकास्थित इसिबुका उपभोक्ता दायासागर भण्डारीले बताए । वर्षातको समयमा आठराई–फेदाप–म्याङ्लुङ सडकखण्डमा यातायात पनि सञ्चालन हुँदैन । भण्डारीले भने, “रु ८० विद्युत् महसुल बुझाउन रु दुई हजारभन्दा बढी खर्च हुने गरेको छ ।”

यातायात सञ्चालनमा नहुँदा यस क्षेत्रका बासिन्दालाई अझ बढी सास्ती भएको छ । हिउँदको समयमा यातायात सञ्चालमा हुँदा म्याङ्लुङ बजार पुग्ने रु ७०० एकोहोरो यातायात खर्च लाग्छ । समयमा महसुल बुझाउन नपुग्दा जरिवानासमेत भोग्नुपरेको स्थानीयवासीले गुनासो गरेका छन् । पायक पर्ने स्थानमा महसुल केन्द्र स्थापना गर्न माग गरिए पनि कार्यालयले ध्यान नदिएको स्थानीयवासीको भनाइ छ । रासस

प्रकाशित : भाद्र ३०, २०७४ १५:०१
पूरा पढ्नुहोस्
प्रतिक्रिया
पठाउनुहोस्