प्युठानका बाबुछोरीले भोजपुरमा जिते अल्ट्रारेस

विद्या राई

भोजपुर — अल्ट्राधाविका मीरा राईको सम्मानमा आयोजना गरिएको भोजपुर ट्रेल रेसको उपाधि प्युठानका बाबुछोरीको पोल्टामा परेको छ । पुरुषतर्फ बाबु ४० बर्षका दामोदर बुढामगर र महिलातर्फ छोरी १७ बर्षकी हुमी बुढामगरले उपाधी चुमेका हुन् ।

उनीहरुले प्रतिव्यक्ति १० हजारका दरले नगद र मेडल पाए । मीराको जन्मगाउँ सानोदुम्मा थर्पुदेखि सुरु भएर सदरमुकाम शहिदपार्कमा टुगिंएको १८ किमिको रेस बाबु दामोदरले १ घण्टा ५५ मिनेटमा पार गरेका थिए । छोरी हुमीले २ घण्टा ३५ मिनेटमा पार गरेर विजयी भइन् । भोजपुर रेसमा उनले महिलातर्फ प्रथम भएसंगै आगामी जनवरीमा हङकङमा हुने रेसमा सहभागी हुन पाउने अवसर छ ।

बाबुछोरीलाई अर्को खुसी पनि जोडिएको छ । त्यो हो पुरुषतर्फ उक्त दुरी २ घण्टामा पार गर्दै दोस्रो हुने धावक ३४ बर्षका पुष्पलाल बुढामगर । उनी दामोदरका सक्खे साइला भाई र हुमीका काका हुन् ।

पुरुषतर्फ २ घण्टा १ मिनेटमा पार गर्दै भुमीराज राई तेस्रो, २ घण्टा ८ मिनेटमा पार गर्दै विवेक राई चौथो र २ घण्टा मिनेटमा पार गर्दै रामबहादुर गुरुङ पाँचौ भए । यसैगरी महिलातर्फ २ घण्टा ४७ मिनेटमा पार गर्दै प्रतिभा श्रेष्ठ दोस्रो, ३ घण्टा ३ मिनेटमा पार गर्दै सुनिता राई तेस्रो,३ घण्टा ७ मा पार गर्दै विना राईले चौथो र ३ घण्टा ८ मा पार गर्दै स्मिता तामाङ पाचौ भए । रेस थर्पु स्कुलबाट मानेडााडा, बास्तिम, पारपानी हुदै सदरमुकाम शहिद पार्कमा आएर रेस टुगिंएको थियो ।

महिला र पुरुष दुवैतर्फ प्रथमलाई १० हजार, द्धितीयलाई ८ हजार, तृतीयलाई ६ हजार, चौथोलाई ४ हजार र पाचौलाई २ हजार नगदसहित प्रमाणपत्र र मेडल छुट्टाछुट्टै प्रदान गरिएको छ । महिला र पुरुष दुवैतर्फ सिनियर र जुनियरलाई ४ जनालाई ३ हजारका दरले नगद, प्रमाणपत्र र मेडल प्रदान गरिएको छ । अन्य सहभागिहरुलाई सहभागिताको प्रमाणपत्र प्रदान गरिएको छ । शनिबार भएको रेसमा जिल्लाभित्र तथा बाहिरका पश्चिम प्युठान, धनकुटा, सुनसरी लगायत जिल्लाका १ सय २० खेलाडीहरुले सहभागी थिए ।

प्रकाशित : मंसिर ४, २०७४ १६:०८
ADVERTISEMENT
प्रतिक्रिया
पठाउनुहोस्

रामेछापको बेथान दंगाग्रस्त क्षेत्र घोषणा

टीकाप्रसाद भट्ट

रामेछाप — वाम गठबन्धन र कांग्रेसको चुनावी कार्यक्रम जुधेको कारण देखाउँदै स्थानीय प्रशासनले रामेछापको बेथानलाइ मंगलबार देखि दंगाग्रस्त क्षेत्र घोषणा गरेको छ । स्थानीय प्रशासन ऐन २०२८ को दफा ६ उपदफा ख बमोजिम बेथानमा सभा जुलुस र अन्य कुनै पनि कार्यक्रम गर्न रोक लगाइएको छ । सोमबार निमित्त प्रमुख जिल्ला अधिकारी यज्ञप्रसाद शर्माले उक्त आदेश जारी गरेका हुन् । प्रशासनले प्रयोग गरेको दफा बमोजिम एकै थलोमा ५ जनाभन्दा बढी मानिसहरुको भेला हुन पाइँदैन ।

वाम गठबन्धन र कांग्रेसको चुनावी कार्यक्रम जुधेको कारण देखाउँदै स्थानीय प्रशासनले रामेछापको बेथानलाइ मंगलबार देखि दंगाग्रस्त क्षेत्र घोषणा गरेको छ ।

स्थानीय प्रशासन ऐन २०२८ को दफा ६ उपदफा ख बमोजिम बेथानमा सभा जुलुस र अन्य कुनै पनि कार्यक्रम गर्न रोक लगाइएको छ । सोमबार निमित्त प्रमुख जिल्ला अधिकारी यज्ञप्रसाद शर्माले उक्त आदेश जारी गरेका हुन् । प्रशासनले प्रयोग गरेको दफा बमोजिम एकै थलोमा ५ जनाभन्दा बढी मानिसहरुको भेला हुन पाइँदैन ।

प्रहरी निरीक्षक राजेन्द्र थापाका अनुसार मंगलबार बेथानमा वाम गठवन्धन र कांग्रेसको चुनावी कार्यक्रम जुधेको र दुवैपक्ष कार्यक्रम रोक्न तयार नभएपछि शान्ति सुरक्षाको दृष्टिले उक्त आदेश जारी गरिएको हो । शान्ति सुरक्षामा खलल पर्ने अवस्था देखिएकोले बेथानलाइ अर्को आदेश नभएसम्मका लागि दंगाग्रस्त क्षेत्र घोषणा गरीएको उनले बताए ।

पश्चिमी रामेछापको बेथानमा वाम गठवन्धनले पूर्व निर्धारीत कार्यक्रम गर्न नसकेपछि मंगलबार शक्ति प्रदर्शंन गर्ने तयारीका साथ चुनावी कार्यक्रम तय गरेको थियो । पूर्व निर्धारीत कार्यक्रममा गठवन्धन तर्फका प्रतिनिधिसभाका उम्मेदवार एवं विनाविभागिय राज्य मन्त्री श्यामकुमार श्रेष्ठ बेथान पस्न सकेका थिएनन् । उनलाई स्थानीय युवाहरुले सांसद विकास कार्यक्रम अन्तरगत विकासका योजना बाँड्दा कमिसन खाएको आरोप लगाउँदै बेथानमा प्रवेश निषेधको घोषणा गरेका थिए ।

युवाहरुको अवरोध पछि श्रेष्ठ हिलेदेविको कार्यक्रम सकेर फर्केका थिए । श्रेष्ठले आफुले कुनैपनि कमिसन नखाएको भन्दै त्यसलाइ पुष्टि गर्न चुनौति दिँदै आएका छन् ।

बेथान माओवादीको पकड क्षेत्र रहँदै आएको थियो । यसपटक काँग्रेसबाट पूर्णबहादुर तामाङ्ग (कान्छाराम) उम्मेदवार भएपछि स्थानीय सयौं युवा कांग्रेसमा प्रवेश गरेका थिए । पहिलो पटक निर्धारित कार्यक्रम गर्न नसकेर शक्ति प्रदर्शनसहित मंगलबार बेथानमा वाम गठबन्धनको चुनावी सभा राखेपछि कांग्रेसले पनि सोहि दिन शक्ति प्रदेर्शन गर्ने तयारी गरेपछि प्रशासन दंगाग्रस्त क्षेत्र घोषणा गर्न पुगेको हो ।

प्रकाशित : मंसिर ४, २०७४ १६:०८
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT