संखुवासभामा यसरी मनाइयो धान दिवस
संखुवासभा — धान दिवसको अवसरमा खाँदबारी नगरपालिकाले सेकाहामा विशेष कार्यक्रम आयोजना गरेको छ ।
‘धान उत्पादनमा वृद्धि, राष्ट्रको समृद्धि’ भन्ने मूल नाराका साथ शुक्रबार आयोजित कार्यक्रममा कृषक, जनप्रतिनिधि र कार्यालय प्रमुखले एक घण्टाबढी धान रोपे ।
खेतमा सुकिला भएर गएका उनीहरु हिलाम्मे भएर निस्किएका थिए ।
एक आपसमा हिलो छ्यापाछ्याप गरेर धान दिवस मनाइएको थियो । सेकाहा धान उत्पादनमा अग्रस्थानमा रहेकाले यही धान दिवस मनाइएको नगरपालिकाले जनायो ।
खाँदबारी नगरका प्रमुख मुरारीप्रसाद खतिवडाले धान उत्पादनलाई बढाउने बताए । उनले आगामी तीन वर्षभित्र नगरलाई धानमा आत्मनिर्भर बनाउने बताए । उनले कृषि क्षेत्रलाई विशेष प्राथमिकता दिएर नगरपालिका लागिरहेको बताए ।
प्रकाशित : असार १५, २०७५ १६:११प्रतिक्रिया