म फरार अपराधी होइन : राज्यमन्त्री शर्मा
काठमाडौँ — सशस्त्र प्रहरीका असई थमन विकको हत्या आरोप लागेका प्रदेश २ का सामाजिक विकास राज्यमन्त्री अभिराम शर्माले आफू फरार अपराधी नभएको दाबी गरेका छन् ।
सोमबार जिल्ला अदालतमा आत्मसमर्पण गरेका शर्माले आफुले आत्मसमर्पण गरेको नभई अदालतको सम्मान गरेर आफै आएको बताए । उनले भने, ‘जुन विधिबाट तपाईहरुले जसरी फरार भनेर सम्बोधन गर्नु भो । मैले अदालतलाई सम्मान गरेर आएको हुँ । आफै उपस्थित भएर निवेदन दिएको छु । मैले आत्मसमर्पण गरेको हैन । अदालतको सम्मान गरेर आएको हुँ ।’
सोमबार अदालतले राज्यमन्त्री शर्माको बयान लिएर साधारण तारेखमा छाडेको छ ।
प्रतिक्रिया