आहा ! साइपाल

बसन्तप्रताप सिंह

बझाङ — बझाङको साइपाल गाउँपालिकामा रहेको साइपाल हिमाल सुदुरपश्चिम प्रदेशको प्रमुख पर्यटकीय गन्तव्य मध्येको एक हो । समुन्द्र सतहदेखि ७ हजार ३१ मिटरको उचाईमा रहेको यो हिमालको हालसम्म कसैले पनि सफल आरोहण गर्न सकेका छैनन् । 

सुन्दर तथा मनोरम भूगोल पार गर्दै सदरमुकाम चैनपुरबाट चार पाँच दिनको यात्रामा साइपालको फेदी सम्म पुगिन्छ।

Yamaha

हिमाली जलवायुको सानिध्यता, उच्च हिमालमा पाइने जिवजन्तु तथा वनस्पतिको अवलोकन साइपाल हिमाल यात्राका क्रममा गर्न पाइन्छ।

पर्यटकहरुका लागि आर्कर्षणको केन्द्र बन्न सक्ने सम्भावना भएर पनि यहाँ पुग्ने पर्यटकको संख्या न्यून रहेको छ।

यस क्षेत्रको पर्यटन प्रर्वद्धन र प्रचार प्रसारको लागि स्थानिय तथा प्रदेश सरकारले ध्यान दिन सके सुदुरपश्चिममा पर्यटकको संख्या बढाउन साइपालले योगदान दिन सक्ने कुरामा कसैको दुईमत नहुने यहाँ पुगेकाहरु बताउँछन् ।

प्रकाशित : मंसिर ४, २०७५ २०:०५
ADVERTISEMENT
प्रतिक्रिया
पठाउनुहोस्

अमेरिकाको अस्पतालमा गोली प्रहारः डाक्टर र प्रहरी अधिकारी सहित ४ को मृत्यु  

बीबीसी

सिकागो — अमेरिकाको सिकागोस्थित एक अस्पतालमा मंगलबार भएको गोलीकाण्डमा ४ जनाको ज्यान गएको छ ।

प्रहरीका अनुसार मारिनेमा डाक्टर, प्रहरी अधिकारी, अस्पतालका कर्मचारी छन्।
गोली हानाहानका क्रममा बन्दुकधारीको समेत मृत्यु भएको स्थानीय सञ्चारमाध्यमले जनाएका छन्। बन्दुकधारी आफैले आफ्नो ज्यान लिए वा प्रहरीको गोलीले मारिए भन्ने प्रस्ट नभएको अधिकारीले जनाए।

बन्दुकधारीले आफूसँग सम्बन्ध रहेको भनिएकी महिला डाक्टर तमारा ओ–निललाई लक्षित गरी गोली चलाएको प्रहरीले जनाएको छ। बन्दुकधारीले केही समय डाक्टरसँग विवाद गरेका थिए। यद्यपि उनले गोली चलाउनुको कारण प्रष्ट हुन नसकेको प्रहरीको भनाई छ।

बन्दुकधारीले डाक्टरलाई प्रहार गरेलगत्तै अन्य मानिसहरुतर्फ गोली हानेका थिए। अर्का एक प्रहरी अधिकारीलाई ताकेर चलाइएको गोली उनको बन्दुकको होल्स्टरमा अडिएपछि उनी घाइते भएका छन्। स्थानीय समय अनुसार सिकागोको मर्सी अस्पतालमा दिउँसो ३ बजे गोली प्रहार भएको हो।

सिकागोका मेयर राहम इमानुएलले आक्रमणका कारण ‘शहरको आत्मामा आँशु बहेको’ प्रतिक्रिया दिए। उनले भने, ‘यो दुष्टको अनुहार र त्यसको परिणाम हो।’ सिकागो प्रहरीका प्रवक्ताका अनुसार बन्दुकधारीले अस्पतालको कार पार्किङ स्थलमा फायरिङ थालेपछि कैयौं राउण्ड गोली चलाइएको थियो।

सिकागो प्रहरीका सुपरिटेन्डेन्ट एडी जोन्सनकाका अनुसार ‘डाक्टरसँग विवाद भएपछि उनका साथीले सम्झाउन खोज्दा बन्दुकधारीले बन्दुक निकालेर प्रहार गरेका’ थिए।

एक प्रत्यक्षदर्शी जेम्स ग्रेका अनुसार ‘डाक्टर ओ–निल गोली लागेर ढलेपछि पनि बन्दुकधारीले ३ पटकसम्म प्रहार गरेका’ थिए। उनले प्रहरी आएपछि उनी अस्पतालमा भागेर अन्धाधुन्ध गोली प्रहार गरेका हुन्। त्यसक्रममा प्रहरी अधिकारी स्यामुयल जिमेन्ज मारिएका हुन्।

ओ–निल मर्सी अस्पतालको इमरजेन्सी विभागकी फिजिसियन थिइन्। अस्पतालको इमर्जेन्सी विभागका निर्देशक डाक्टर प्याट्रिक कोनरले उनी ‘कामप्रति निकै लगनशील डाक्टर भएको’ बताए।

स्थानीय सञ्चारमाध्यमहका अनुसार सन्दिग्ध व्यक्ति अस्पताल भवनमा उक्लिदै गर्दा बिरामीले गोली चलेको आवाज सुनेका थिए। घटनास्थललाई प्रहरीले नियन्त्रणमा लिएसँगै मर्सी अस्पताल खाली गराइएको थियो। अस्पतालले केही समयपछि दर्जनौं बिरामी र अस्पतालको सुरक्षा सुनिश्चित गर्न प्रहरी सफल भएको जनाएको थियो।

अमेरिकामा यसवर्ष बन्दुक आक्रमणका कारण कम्तीमा १३ हजार मासिनहरुले ज्यान गुमाइसकेका छन्। प्रहरीका अनुसार कम्तीमा २५ हजार मानिसहरु घाइते छन् भने २ सय ५० प्रहरी मारिएका छन्।

प्रकाशित : मंसिर ४, २०७५ १९:५०
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT