निर्मलालाई न्याय माग्दै विद्यार्थीको प्रदर्शन [भिडियो]

कान्तिपुर संवाददाता

काठमाडौँ — बलात्कारपछि हत्या गरिएकी कञ्चनपुरकी १३ वर्षीया बालिका निर्मला पन्तलाई न्याय माग्दै विद्यार्थीहरु आन्दोलित भएका छन् । बुधबार पुल्चोक इन्जिनियरिङ क्याम्पसका विद्यार्थीहरुले 'वी वान्ट जस्टिस' भन्दै माइतीघर मण्डलामा प्रदर्शन गरेका छन् । प्लेकार्डसहित प्रदर्शनमा उत्रिएका विद्यार्थीहरुले सरकार विरुद्ध चर्को नाराबाजी गरे । 

निर्मलाले न्याय नपाएसम्म आफूहरु आन्दोलित हुने उनीहरुले बताएका छन्।विद्यार्थीहरुले सरकार गम्भीर नभए कडा आन्दोलनको चेतावनी समेत दिएका छन्।कार्यक्रमस्थलमा विद्यार्थीहरुले कान थुनेर,अनुहारमा कालोपट्टि बाँधेर सरकारको विरोध गरेका थिए

Yamaha

प्रकाशित : मंसिर १९, २०७५ १८:५५
प्रतिक्रिया
पठाउनुहोस्

भूकम्पपछिको चौथो जाडो पनि टहरामै

कान्तिपुर संवाददाता

ओखलढुंगा — चिसंखुगढी गाउँपालिका ५ पाखेको श्रीकुश्माण्ड आधारभूत विद्यालयमा तीन वर्षदेखि त्रिपाल र बाँसको टहरामै पढाइ हुँदै आएको छ । ०७२ को भूकम्पमा विद्यालय भवन भत्किएपछि विद्यार्थीहरू टहरामै पढ्न बाध्य भएका हुन् ।

भवन अभावमा टहरामा पढाई हुने गरे पनि जाडोमा घाम लाग्दा चौरमै कक्षा सञ्चालन हुँदै आएको श्रीकुश्माण्ड आधारभूत विद्यालय पाखेका विद्यार्थी । तस्बिर : कुम्भराज राई/कान्तिपुर

विद्यालय पुनर्निर्माणका लागि बजेट प्राप्त भए पनि काम ढिलो हुँदा भूकम्पपछिको चौथो जाडोमा समेत विद्यार्थी टहरामै पढ्न बाध्य छन् । ‘घाम लागेका बेला बाहिर राखेर पढाउँछौँ’ विद्यालयकी प्रधानाध्यापक इन्दिरा भट्टराईले भनिन्, ‘अब एक डेढ महिनामा चाहिँ नयाँ भवन बन्ला कि भन्ने आशा लागेको छ ।’

भवन निर्माणका लागि ३० लाख ५७ हजार बजेट प्राप्त भएको छ । फलामको ट्रस जोडेर भूकम्प प्रतिरोधी बनाउने तयारीसमेत भइसकेको छ । दुर्गम ठाउँ सामान ढुवानीको समस्याका कारण भवन निर्माण गर्न ढिलो भएको भट्टराईले बताइन् । टहरामा पढाई सञ्चालन गर्दा सबैभन्दा बढी समस्या साना कक्षाका केटाकेटीलाई हुने गर्छ ।

पाँच कक्षासम्म पढाइ हुने विद्यालयमा ३९ विद्यार्थी छन् । बालकक्षामै १२ जना केटाकेटी पढ्छन् । भूकम्पले पाँच कोठे भवन पूर्णरूपमा क्षति पुर्‍याएको थियो । जेनतेन दुई कोठे भवन भूकम्पबाट बचेको भए पनि एउटा कोठामा कार्यालय र अर्कोमा एउटा कक्षा कोठा सञ्चालन गरिएको छ ।

प्रकाशित : मंसिर १९, २०७५ १८:५३
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT