दुर्गममा विरामीको व्यथा

वसन्तप्रताप सिंह

बझाङ — बझाङ सदरमुकाम चैनपुरबाट करिब चार दिनको पैदल हिडेँपछि सुदुर उत्तरमा पर्ने साइपाल गाउँपालिका पुगिन्छ । सडक सञ्जालमा नजोडिएको यो गाउँपालिका शिक्षा, स्वास्थ्य, विद्युत जस्ता विकासका पूर्वाधारमा पनि पछाडी छ । यहाँ विरामी भैहाले रोग पालेर बस्नुको विकल्प छैन । 

स्वास्थ्य संस्थाको पहुँच नपुगेपछि दुर्गममा विपन्न वर्गले विरामी हुँदा कस्ता पीडा भोग्नुपरेको छ भन्ने उदाहरण हो साइपाल गाउँपालिकाको धलन गाउँ। जटिल भौगोलिक संरचना, चेतनाको कमी र गरिबी नै यहाँका स्थानीयलाई स्वास्थ्योपचारका लागि बाधक बनेका छन्।

Citizen

उनीहरुले स्वास्थ्यचौकी पुग्न मात्रै एकदिन पैदल हिड्नुपर्छ। जहाँ दक्ष स्वास्थ्यकर्मी र पर्याप्त औषधी नै पाइदैन। राम्रो उपचार गर्न सदरमुकाम, धनगढी, नेपालगञ्ज तथा काठमाडौं पुग्नुपर्छ। दुई छाक टार्न समेत धौधौ पर्ने उनीहरुलाई त्यहाँसम्म पुग्न खर्चले धान्दैन।

समयमा उपचार नपाएर वर्षेनी दर्जनौँले अकालमा ज्यान गुमाउँछन्। महिला, बालबालिका र वृद्धवृद्धाहरुलाई बढि जोखिम छ।

प्रकाशित : पुस १२, २०७५ २१:२०
प्रतिक्रिया
पठाउनुहोस्

झापाको मेचीनगरमा आगलागी, दर्जन घर जले 

आगो निभाउने प्रयास जारी
पर्वत पोर्तेल

झापा — मेचीनगर–६ स्थित साठी बिघा भन्ने ठाउँमा आगलागी हुँदा दर्जन घर जलेका छन् । राति करिब ८ बजेदेखि लागेको आगो अहिलेसम्म निभाउन सकेको छैन । 

ग्यास सिलिन्डर पड्किँदा आगलागी भएको प्रत्यक्षदर्शीले बताएका छन्। आगो नियन्त्रणका लागि मेची नगरपालिकाको दमकलसहित स्थानीय र सुरक्षाकर्मी लागीपरेका छन्।

अगालागीबाट मानवीय क्षति भने भएको छैन। एक मात्र दमकल भएकाले आगो निभाउन कठिनाई भएको प्रहरीले जनाएको छ।उक्त क्षेत्र काकडभिट्टा बजारकोबधशालाक्षेत्र पर्छ। फुसका घरहरु भएकाले आगो छिट्टो फैलिएको बताइएको छ।

प्रकाशित : पुस १२, २०७५ २०:५९
पूरा पढ्नुहोस्
प्रतिक्रिया
पठाउनुहोस्