बझाङमा हराउँदै भार्ते

बसन्तप्रताप सिंह

बझाङ — तल्कोट–१ सुनिकोटका ५५ बर्षिय प्यारु आउजी भार्ते हुन् । उनले विवाह, वर्तबन्ध र अन्य उत्सबहरुमा गाउने, कथा बाचन गर्ने तथा डमरु बजाउदै नृत्य गर्न थालेको ४५ बर्ष भयो ।

उनले लयात्मक कथा बाचन र गायनको माध्यमबाट, युद्ध, महामारी, देवता दानव, प्रेम आदी विषय बोकेका कथाहरू भन्छन् । भार्तेले भन्ने कथाको विषय जे सुकै भए पनि कथाको सन्देश सामाजिक एकता, शान्ति र सदभावको हुन्छ । स्थानिय बोलीमा भार्तेले भन्ने कथालाई भार्ता भनिन्छ ।

कुनै बेला हरेक जसो विवाहमा भार्ते हुन्थ्यो । १० बर्षयता भने भार्तेको चलन हराउदै गएको छ । माग हुनै छोडे पछि नयाँ पुस्ता भार्ते जन्मिनै छोडेको र पुराना भार्तेहरूपनि बुढ्यौलीमा प्रबेश गरिसकेकाले भेटिन छाडेका छन् । यसले गर्दा मौलिक परम्परा र सुदुरपश्चिमेलीको साँस्कृतिक अस्तित्व लोप हुदै गएको छ ।

प्रकाशित : फाल्गुन ३०, २०७५ १७:४०
प्रतिक्रिया
पठाउनुहोस्
ADVERTISEMENT
ADVERTISEMENT

प्रदेश सांसद मल्ल चार घण्टा विप्लव समूहको नियन्त्रणमा  

बसन्तप्रताप सिंह

बझाङ — सुदूरपश्चिमको प्रदेशसभाकी सांसद देवकी मल्ल चार घण्टापछि अपहरणमुक्त भएकी छन् । उनलाई नेकपा (विप्लव समूह) का कार्यकर्ताले शुक्रबार अपहरण गरेर साँझतिर छोडेका हुन् । बुङगल नगरपालिकामा आयोजना भएको नारी दिवसको कार्यक्रममा सहभागी हुन जाँदै गर्दा बिहान ११ बजेतिर ३०/३५ जनाको समूहमा आएका विप्लवका कार्यकर्ताले उनलाई केदारस्युँ गाउँपालिकाको सैन्सुबाट अपहरण गरेका थिए ।

करिब चार घण्टा नियन्त्रणमा राखेपछि उनलाई सोही गाउँपालिका ५ मा पर्ने बगडी पाउटा भन्ने ठाउँ लगेर छोडिएको प्रहरीले जनाएको छ ।
सांसदको अपहरणको खबर प्राप्त हुनेबित्तिकै बझाङ प्रशासनले उनको खोजीका लागि प्रहरी परिचालन गरेको थियो । 'सांसद सकुशल भेटिनु भएको छ, अपहरण भएको हो कि के हो ? भन्ने विषयमा केही थाहा भएको छैन' डिएसपी प्रविण धितालले भने 'उहाँ सदरमुकाम आइसकेपछि अपहरणको विषयमा थाहा हुने छ 'प्रहरीको टोली र सांसद टेलिफोन सम्पर्क नहुने ठाउँमा रहेका कारण यस विषयमा थप बुझ्न नसकिएको धितालले बताए ।

विप्लव समूहले मल्ललाई आफूहरुले अपहरण गरेर सोधपुछ पछि छोडिदिएको बताएका छन् । मल्लले सांसदको हैसियतमा रहेर पनि निर्मला पन्तको हत्यारा पत्ता लगाउने काममा प्रभावकारी भूमिका खेल्न नसकेको विषयमा सोधपुछ गर्नको लागि नियन्त्रणमा लिएको र सोधपुछ पछि छोडिदिएको विप्लवका एक जना जिल्लास्तरका नेताले कान्तिपुरलाई बताए ।
उनले केही दिनअघि केदारस्युँ गाउँपालिकाकै देउरामा हुन लागेको विप्लव निकट महिला संगठनको कार्यक्रममा प्रहरीले हस्तक्षेप गरेको, अखिल नेपाल महिला संगठन (क्रान्तीकारी) अध्यक्ष बन्धु चन्दलाई गिरफ्तार गरेको जवाफमा मल्ललाई अपहरण गरिएको बताए । उनले भने, 'श्रमजीवी महिलाको नेतालाई हिरासतमा राखेर नारी दिवस मनाइरहेको यो सरकारलाई चुनौती दिन हामीले सांसदलाई नियन्त्रणमा लिएका हौं । तल्काल उनको रिहाई नगरे यो भन्दा कडा कदम चाल्ने छौं'

................
अपहरणमा परेकी सुदूरपश्चिम प्रदेश सभा सदस्य देवकी मल्ललाई प्रहरीले फेला पारेको छ । जिल्ला प्रहरी कार्यालयबाट खटिएको टोलीले केदारस्युँ गाउँपालिका-५ बगडीपाउटा भन्ने ठाउँमा फेला पारेको डीएसपी प्रविण धितालले जानकारी दिए । उनका अनुसार सांसद मल्ललाई सदरमुकाम ल्याउने काम भइरहेको छ ।

फोन सम्पर्क नभएकोले अपहरणबारे विस्तृतमा जानकारी आइनसकेको डीएसपी धितालले बताए। सांसद मल्ललाई एक्लै भएको अवस्थामा प्रहरीले भेट्टाएको हो।

नारी दिवसको कार्यक्रममा सहभागी हुन जाँदै गरेको अवस्थामा शुक्रबार बिहान १० बजेतिर सांसद मल्लको अपहरण भएको हो।

प्रकाशित : फाल्गुन २४, २०७५ १७:०१
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT