काठमाडौँ — काठमाडौं महानगरपालिकाले सडक सफाइ गर्न ल्याएको पाँचवटा ब्रुमर युरो ४ एमिसन स्ट्याण्डर्डका छन् । इन्जिन क्षमता १०७ किलोवाट छ । डिजेलबाट चल्ने यी ब्रुमरका अगाडि एक, छेउमा दुई र बीचमा एक गरेर चारवटा ब्रस छन् ।
ब्रुमरमा पाँचसय लिटर पानी र ४.६८ घनमिटर धुलो भण्डारण क्षमता रहेको छ । यसको अधिकतम सफाइ क्षमता २५ हजार स्क्वायर मिटर प्रतिघण्टा रहेको छ । ब्रसले न्युनतम् २६ सय मिलिमिटर र अधिकतम् ३६ सय मिलिमिटर चौडाइमा सफाई गर्न सक्छ ।