‘लगानी सम्मेलनमा उत्साहजनक उपलब्धि’
काठमाडौँ — विदेशी तथा स्वदेशी लगानी जुटाउन सरकारले गरेको दुई दिने नेपाल लगानी सम्मेलन–२०१९ शनिवार सकिएको छ । सम्मेलनमा सरकारले प्रस्तुत गरेका ५० वटा परियोजना मध्ये केहीमा १७ स्वदेशी तथा विदेशी कम्पनीले लगानी गर्ने प्रस्ताव पेश गरेका छन् ।
निजी क्षेत्र, सरकार र लगानी बोर्डबीच विभिन्न १५ आयोजना विकास गर्ने सम्झौता तथा समझदारी भएको छ । सम्मेलनले औसत उपलब्धि हासिल भएपनि लगानी बोर्डका प्रमुख कार्यकारी अधिकृत (सिइओ) महाप्रसाद अधिकारीले उत्साहजनक उपलब्धि भएको टिप्पणी गरेका छन् ।
लगानीका लागि उत्कृष्ट गन्तव्य नेपाल हो भनेर थप प्रमाणित गर्ने जिम्मेवारी समेत आएको उनले बताए । ‘कयौँ नितिगत र कानुनी सुधार गरिएको छ,’ उनले भने, ‘अब थप कार्यायोजना र संयन्त्र बनाएर चाँडो भन्दा चाँडो लगानी भित्र्याउन काम गर्नेछौँ ।’
कान्तिपुरका अर्थवाणिज्य ब्यूरो प्रमुख कृष्ण आचार्यले अधिकारीसँग गरेको कुराकानी :